Израел ги повика Иранците на соработка со Мосад

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Израел ги повика Иранците на соработка со Мосад

13 февруари 2026

• од Станча Јаќимовски

Израел ги повика граѓаните на својот заколнат непријател Иран да воспостават контакт со израелската армија или со разузнавачката служба Мосад со цел да понудат соработка, јавува германската новинска агенција ДПА.

Во соопштение објавено на фарси јазик преку платформата X, израелската армија објави список на профили на социјалните мрежи преку кои иранските граѓани можат да стапат во контакт. Ова не е првпат Израел јавно да ги повикува Иранците на соработка со неговите безбедносни структури.

Во јуни 2025 година, за време на воениот конфликт меѓу двете земји, израелската армија ги советуваше загрижените ирански граѓани да се обратат до Мосад за да „ја подобрат својата состојба“. Во тој период, Израел и Соединетите Американски Држави изведуваа воздушни напади врз цели во Иран, вклучително и нуклеарни постројки. Иранските вооружени сили возвратија со лансирање балистички ракети кон Израел.

Во моментов постојат стравувања од нова воена ескалација доколку неодамна обновените преговори меѓу Техеран и Вашингтон не донесат резултати.

Израелскиот премиер Бенјамин Нетанјаху на средба со претседателот на САД Доналд Трамп ја нагласи потребата од гарантирање на безбедноста на Израел.

Израел предупреди против евентуален договор со Иран што би се ограничил исклучиво на нуклеарната програма на Исламската Република. Израел инсистира дека Техеран мора да го намали и својот арсенал на балистички ракети, како и поддршката за вооружени групи во регионот.

Во меѓувреме, економската криза во Иран предизвика национални протести на почетокот на годината, кои беа насилно задушени од безбедносните сили. Според тврдењата на активисти, постојат веродостојни информации за илјадници жртви.