Холандската кралица Максима се пријави како резервист во армијата

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Холандската кралица Максима се пријави како резервист во армијата

06 февруари 2026

• од Станча Јаќимовски

Кралицата на Холандија, Максима, се приклучи на вооружените сили на земјата како резервист, истакнувајќи дека променетата геополитичка реалност значи оти „безбедноста повеќе не може да се зема здраво за готово“.

Во соопштение објавено во средата, холандското кралско семејство наведува дека 54-годишната кралица „одлучила токму сега да се регистрира, бидејќи нашата безбедност повеќе не може да се подразбира, а таа, како и многу други, сака да придонесе за нејзиното зајакнување“.

По завршувањето на обуката во Кралската холандска армија, родената во Аргентина кралица ќе биде унапредена во чин потполковник и, како и другите резервисти, ќе биде распоредена таму каде што ќе има потреба, се наведува во соопштението.

Фотографии и видеоснимки објавени од кралското семејство ја прикажуваат Максима за време на обуката во Кралската воена академија во Бреда, на југот од земјата. На снимките таа изведува различни физички вежби, вежба стрелање со пиштол, плива и се искачува по карпи, облечена во зелена армиска униформа.

Максима не е првиот член на европско кралско семејство кој служи во вооружените сили. Нејзината ќерка, принцезата Катарина-Амалия, неодамна заврши воена обука и беше унапредена во чин ефрејтор. Норвешката принцеза Ингрид Александра ја заврши својата 15-месечна служба како артилерец, додека шпанската принцеза Леонор е во последната година од военото образование. И повеќе членови на британското кралско семејство имаат воено искуство.

Одлуката на холандската кралица доаѓа во период на нарушено чувство на безбедност во Европа по руската инвазија врз Украина и растечките сомнежи околу сигурноста на САД како сојузник во НАТО. Притисоците врз европските држави да ги зголемат трошоците за одбрана и политичките тензии дополнително ја нагласуваат потребата од зајакнување на сопствените одбранбени капацитети.

Во јануари, европскиот комесар за одбрана изјави дека Европската унија треба да размисли за формирање заедничка воена сила од 100.000 војници, нагласувајќи дека Европа мора да инвестира и да дејствува како единствена целина, а не како збир од мали национални армии.

Минатата недела, новата коалициска влада на Холандија соопшти дека нема да остане зависна од други држави за сопствената одбрана и најави воведување задолжителна анкета за воена служба меѓу младите. Доколку тоа не даде доволни резултати, ќе се разгледуваат и други чекори.

Во моментов, девет европски членки на НАТО веќе имаат некаква форма на задолжителна воена служба, а некои земји најавуваат нејзино повторно воведување или нови стимулации за да ги охрабрат младите да се приклучат на вооружените сили.