Американски воени авиони забележани на аеродромот во Софија, властите велат

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Американски воени авиони забележани на аеродромот во Софија, властите велат — станува збор за обука на НАТО

19 февруари 2026

• од Гоце Кически

Шест авиони-танкери на Военновоздушните сили на САД беа забележани на пистата на воздухопловната база Враждебна, која се наоѓа на територијата на аеродромот „Васил Левски“ во Софија, според објави и фотографии што кружат на социјалните мрежи.

Според набљудувачи, авионите се дел од 6-тото крило за воздушно полнење гориво со база во Макдил, Флорида. Тие тврдат дека распоредувањето се вклопува во поширокото зголемување на американските воздушни капацитети насочени кон Блискиот Исток, вклучително и кон Иран, кое опфаќа танкери за воздушно полнење, авиони за командување и контрола, борбени авиони и извидувачки платформи во Европа и регионот.

Од бугарското Министерство за одбрана, сепак, нагласуваат дека присуството на леталата има рутинска намена.

„Авионите на аеродромот ‘Васил Левски’ се на Военото воздухопловство на САД. Нивното распоредување е во поддршка на обука поврзана со активностите за засилена будност на Алијансата. Персоналот е за опслужување на авионите“, соопштија од министерството.

Слична позиција изрази и Амбасадата на САД во Бугарија во изјава за bTV. Оттаму наведуваат дека Бугарија дава поддршка за претходно распоредување на американски воздухопловни средства и опрема за аеродромска поддршка со цел спроведување обука поврзана со мерките за засилена будност на Алијансата (eVA), во согласност со важечките договори за пристап, базирање и прелет.

Фотографиите од американските воени авиони на софискиот аеродром претходно предизвикаа засилен интерес на социјалните мрежи, додека официјалните институции инсистираат дека станува збор за планирани активности во рамки на НАТО.