Победа доби донација од Австралија, опремата четири месеци заглавена на царина

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СПОРТ

Победа доби донација од Австралија, опремата четири месеци заглавена на царина

04 април 2026

• од Вардарски

Прилепскиот фудбалски клуб Победа Прилеп продолжува да се соочува со сериозни организациски и финансиски предизвици, и покрај тоа што во последниот период се создаде впечаток дека ситуацијата делумно се стабилизира.

Пред стартот на вториот дел од сезоната, опстанокот на клубот беше доведен под знак прашалник. Сепак, со големи напори, Победа успеа да обезбеди минимум услови за продолжување на натпреварувањето во Втората лига, каде моментално се наоѓа во долниот дел од табелата.

Но, реалната состојба во клубот најдобро ја отсликува случајот со донацијата од Австралија. Македонецот Гоце Павлески, кој живее и работи таму, решил да му помогне на клубот со спортска опрема. Тој, како што изјави за порталот „Шампион.мк“, собрал средства и обезбедил комплетна опрема за првиот тим.

Станува збор за зимски јакни, дресови, шорцеви, како и тренерки – по два комплети, за домашни и гостински натпревари. Сепак, иако опремата е испратена навреме, таа веќе четири месеци стои на царина, без никој да ја подигне.

„Собрав мали количини и се одлучив да направам спортска опрема за првата екипа. Направивме зимски јакни, дресови, шорцеви – по два пара за дома и гости, како и тренерки. Ги испративме и еве веќе четврти месец стојат на царина. Нема слух од никого – ниту од општината, ниту од клубот – да се подигнат“, изјави Павлески.

Тој додава дека и клубот и локалната самоуправа се запознаени со ситуацијата, но досега нема конкретна реакција.

„Од наша страна направивме сѐ што можеме. Понатаму останува на градот и на клубот. Не обвинувам никого, но некој треба да преземе чекор, бидејќи оваа опрема е наменета за клубот“, потенцира Павлески.

Овој случај отвора сериозни прашања за функционирањето и организацијата во Победа, но и за односот кон луѓето кои се подготвени да помогнат. Додека клубот се бори за опстанок на теренот, очигледно е дека административните и логистичките проблеми надвор од него остануваат голем товар.