Казахстан го расипа фудбалскиот празник, Македонија ќе се бори за бараж

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СПОРТ

Казахстан го расипа фудбалскиот празник, Македонија ќе се бори за бараж

14 октомври 2025

• од Станча Јаќимовски

Фудбалската репрезентација на Македонија не успеа да ја искористи шансата да се приближи до првото место во квалификациската група за Светското првенство 2026. На домашен терен, пред полни трибини во Скопје, избраниците на Благоја Милевски одиграа само 1-1 против Казахстан, резултат кој сериозно ги намалува шансите за директен пласман.

Тежок почеток и доминација на Казахстан

Македонија тргна со офанзивна формација – двајца напаѓачи, Миовски и Ристовски, и петмина во средниот ред, но без стандардниот дефанзивец Муслиу. Казахстан започна храбро и офанзивно, создавајќи неколку сериозни шанси уште во првите десет минути. Голманот Столе Димитриевски мораше неколкупати да интервенира по обидите на Чесноков и Кенжебек.

Иако по почетниот притисок Македонија успеа да се стабилизира, гостите имаа повеќе од играта и неколку навистина опасни ситуации пред нашиот гол. Првата вистинска можност за Македонија ја создаде Милан Ристовски по нафрлување на Алиоски, но голманот Сеисен одбрани. До крајот на првото полувреме следеа уште три одлични шанси – „ножички“ на Ристовски, обид на Велковски и уште еден удар покрај голот, но без реализација.

Гостински шок и македонски одговор

На стартот од вториот дел, Милевски се одлучи за двојна измена – Чурлинов и Костадинов влегоа во игра со цел зголемена офанзива. Сепак, токму Казахстан прв го отвори резултатот. По една несигурност во македонскиот шеснаесетник и лоша комуникација меѓу Димитриевски и одбраната, Караман успеа да ја смести топката во мрежата (0-1).

Шокот ја разбуди Македонија. Костадинов беше блиску до израмнување по додавање од Барди, но топката замина крај дирекот. Играта стана поенергична, со многу прекини и борба на средината од теренот, додека домашните навивачи ги туркаа своите миленици напред.

Во 74. минута, Македонија конечно израмни. Енис Барди со мајсторски изведен слободен удар од околу триесет метри ја погоди мрежата на Казахстан за 1-1, предизвикувајќи вистинска ерупција на трибините. Тоа беше негов јубилеен 20-ти гол во националниот дрес.

Притисок без завршница

До крајот на натпреварот Македонија беше поактивна, а во игра се приклучи и Александар Трајковски, кој имаше голема шанса да донесе целосен пресврт. Во самиот финиш, Елмас и Серафимов се најдоа во изгледни позиции, но без ефект. Резултатот остана 1-1 – недоволен за македонските амбиции, а одличен за Белгија и Велс, кои ќе ја решаваат судбината на врвот на табелата.

Следниот чекор – финален дуел во Кардиф

Македонија ќе го заврши квалификацискиот циклус со гостување кај Велс во Кардиф, натпревар кој ќе биде директна битка за второто место и пласман во баражот за Светското првенство 2026. Во истиот ноемвриски термин, нашиот национален тим ќе одигра и пријателски меч против Летонија.