Загрижувачки пад: Намален бројот на сместени ученици и студенти во домовите за 15%

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Загрижувачки пад: Намален бројот на сместени ученици и студенти во домовите за 15%

20 јули 2025

• од Станча Јаќимовски

Бројот на ученици и студенти кои се сместени во домовите за време на учебната 2024/2025 година драматично опаднал – дури за 15% во однос на претходната година, соопшти Државниот завод за статистика. Овој пад сигнализира потенцијални проблеми во пристапот до образование, особено за младите од руралните и оддалечените средини.

Според официјалните податоци, годинава се сместени вкупно 4 889 ученици и студенти во 29 дома – 10 студентски и 19 ученички домови, вклучувајќи и домови при верските училишта. Од нив, само 52 се ученици од основно училиште, 1 693 се средношколци, 35 се ученици од православно верско училиште, 94 од исламско верско училиште и 3 144 се студенти.

Овие бројки ја отвораат дилемата – зошто сè помалку ученици и студенти користат сместување во домовите? Дали се работи за недостиг од средства, недоволна поддршка од институциите, сè полоши услови во домовите или иселување на младите од државата?

Станува збор за тенденција што не смее да се игнорира. Домовите играат клучна улога во овозможувањето еднаков пристап до образование за сите, особено за оние кои живеат далеку од образовните институции. Падот од 15% во само една година е аларм кој бара итна реакција од надлежните – подобрување на условите во домовите, субвенции за сместување и, пред сè, сериозна анализа зошто младите сè помалку ја гледаат иднината тука.