Водовод повторно алармира: Енормна потрошувачка на вода го загрозува водоснабдувањето во Скопје

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Водовод повторно алармира: Енормна потрошувачка на вода го загрозува водоснабдувањето во Скопје

16 јули 2025

• од Станча Јаќимовски

Јавното претпријатие „Водовод и канализација“ повторно упати сериозно предупредување за состојбата со потрошувачката на вода за пиење во Скопје, која и натаму се движи во рамки што ги надминуваат сите нормални вредности. Како што информираат од претпријатието, зголемената и често неконтролирана дневна потрошувачка предизвикува нарушување на стабилноста на системот за водоснабдување, што резултира со намален притисок и повремени прекини во снабдувањето со вода во одредени делови на градот.

Од „Водовод“ нагласуваат дека стабилизација на системот обично се постигнува дури по 23 часот, кога потрошувачката значително опаѓа. Во меѓувреме, граѓаните и натаму се соочуваат со проблеми во секојдневното снабдување, особено во периодите на најголема употреба.

„Градот Скопје се снабдува со вода од природен извор со ограничени количини вода за пиење од непроценлива вредност. Апелираме до сите граѓани за рационално и совесно користење на водата, и да се избегнува нејзиното непотребно трошење – како што е полевање бавчи и зеленило, перење автомобили, полнење базени и слично“, стои во соопштението на претпријатието.

Дополнително, од Водовод апелираат и до локалната самоуправа и месните заедници да се вклучат во подигање на свеста кај граѓаните за важноста на штедење на водата и заштита на јавниот водоснабдителен систем.

Во насока на заштита на системот и подобрување на неговото функционирање, претпријатието ги повикува граѓаните да пријавуваат доколку забележат диви приклучоци на мрежата, бидејќи тие не само што се незаконски, туку директно ја нарушуваат стабилноста и квалитетот на снабдувањето за сите граѓани.

Апелите доаѓаат во време кога климатските промени и зголемените температури дополнително го оптоваруваат системот, а одговорното користење на водата станува суштинска обврска за секој поединец.