„Водовод и канализација“ апелира за рационално користење на водата за пиење во Скопје

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

„Водовод и канализација“ апелира за рационално користење на водата за пиење во Скопје

27 јули 2025

• од Станча Јаќимовски

Јавното претпријатие „Водовод и канализација“ – Скопје повторно упати апел до граѓаните за совесно и рационално користење на водата за пиење, откако вчера беше забележано енормно зголемување на нејзината потрошувачка. Според податоците на претпријатието, дневната потрошувачка достигнала околу 360.000 кубни метри, што предизвикува сериозни проблеми во функционирањето на градскиот водоводен систем – од намален притисок до повремени прекини во водоснабдувањето во одредени делови од градот.

„Имајќи го предвид фактот дека градот Скопје се снабдува со вода од природен извор со ограничена количина од непроценлива вредност, апелираме до сите граѓани за рационална и совесна употреба на водата за пиење“, порачуваат од ЈП „Водовод и канализација“. Притоа се укажува на неопходноста да се избегнува непотребна потрошувачка – како полевање на бавчи, перење возила и полнење базени.

Претпријатието упати повик и до органите на локалната самоуправа и месните заедници да се вклучат во подигање на јавната свест за важноста на рационалното користење на водата.

Дополнително, од „Водовод и канализација“ алармираат за сериозен проблем со нелегални приклучоци на водоводната мрежа. „Загубите на вода од 65% не се резултат на дефекти, туку главно поради кражби преку нелегално приклучување на објекти и користење на питка вода за земјоделски цели“, истакнуваат од јавното претпријатие.

Граѓаните кои ќе забележат див приклучок се повикуваат да го пријават на телефонот 02 3073 010, на е-поштата kontakt@vodovod-skopje.com.mk или преку веб-страницата www.vodovod-skopje.com.mk. Со тоа, додаваат од претпријатието, се придонесува кон заштита на водоснабдителниот систем и обезбедување на квалитетна вода за сите корисници.