Величковски: Поразот на Орбан е крај на една политичка ера во Европа

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Величковски: Поразот на Орбан е крај на една политичка ера во Европа

13 април 2026

• од Гоце Кически

Ивон Величковски преку објава на социјалните мрежи оцени дека актуелните политички случувања во Европа претставуваат пресвртница за Европската унија, нагласувајќи дека „Европа се обновува низ силна ЕУ“.

Во својата анализа, Величковски посочува дека евентуалниот пораз на унгарскиот премиер Виктор Орбан не треба да се гледа само како партиски или личен неуспех, туку како „пораз на цел еден политички правец“ кој, според него, се развивал во изминатите 16 години.

Тој потсетува дека владејачката партија Фидес започнала како дел од либералниот блок во Европа, потоа се позиционирала меѓу конзервативците, за на крај, како што наведува, да премине кон „корпоративен авторитаризам“ и отворено приближување кон рускиот претседател Владимир Путин.

Според Величковски, обидот за пресликување на унгарскиот политички модел во рамките на Европската унија веќе не дава резултати. Тој наведува дека таквиот пристап не успеал во Полска, а во моментов се соочува со отпор и во Словачка и Чешка.

Посебен акцент во објавата е ставен на, како што го нарекува, „политичко Скопје“, односно главните политички актери во Северна Македонија. Величковски критикува дека дел од нив молчат, а дел го поздравуваат развојот на настаните, без да признаат дека обидите за реплицирање на орбановскиот модел веќе се соочуваат со сериозни пречки.

Тој ја истакнува и улогата на источниот појас на Европа — Бугарија, Романија, Молдавија, балтичките земји и Украина — кои, според него, покажале „политичка, безбедносна и институционална доследност“ како прва линија на одбрана на ЕУ.

Во објавата се отвора и прашањето за медиумското покривање на регионалните теми, при што Величковски прашува зошто македонските медиуми не посветиле внимание на излегувањето на Молдавија од Заедница на Независни Држави, организација преку која, како што наведува, Русија одржувала воено присуство во земјата со децении.

Дополнително, Величковски предупредува дека Русија ги активира своите политички влијанија („проксија“) на европско тло, особено во земјите од Западен Балкан, наведувајќи ги Бањалука, Белград и Скопје како дел од тој простор.

Тој заклучува дека, иако „падот на Орбан“ означува значаен момент, процесот не е завршен. Според него, останува да се види дали Брисел и Вашингтон ќе продолжат со досегашниот пристап кон овие политички структури, но нагласува дека, како што пишува, „тоа не треба да се толерира“.