Утре мирен протест во Крива Паланка поради проблемот со неконтролирано движење на говеда

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Утре мирен протест во Крива Паланка поради проблемот со неконтролирано движење на говеда

25 февруари 2026

• од Станча Јаќимовски

Во Крива Паланка утре ќе се одржи мирен протест поради долгогодишниот проблем со неконтролираното движење на говеда низ населените места и земјоделските површини. Граѓаните реагираат на штетите што добитокот ги предизвикува врз приватниот имот, обработливото земјиште и безбедноста во сообраќајот.

Според информациите од Општина Крива Паланка, протестот е инициран од граѓани, а поддржан од претставници на 16 месни заедници. Локалната самоуправа ја информираше јавноста и медиумите за одржувањето на собирот, нагласувајќи дека станува збор за мирен и достоинствен протест.

Во соопштението се наведува дека општината ја поддржува законската рамка и целосното спроведување на донесените решенија, при што се упатува повик до сите учесници да го изразат својот став одговорно и без инциденти.

Од локалната власт апелираат институциите да преземат соодветни мерки за трајно решавање на проблемот, кој подолг период предизвикува реакции во јавноста. Граѓаните очекуваат поефикасна контрола и јасно дефинирани обврски за сопствениците на добиток, со цел да се заштитат приватните имоти и земјоделските култури.

Според најавите, протестот ќе се одвива мирно, со порака за итно институционално постапување и системско решавање на овој локален проблем.