Тринаесетгодишно девојче заврши во болница поради семејно насилство

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Тринаесетгодишно девојче заврши во болница поради семејно насилство – приведени татко и брат

21 јули 2025

• од Станча Јаќимовски

Тринаесетгодишно девојче од радовишко село заврши во болница со телесни повреди, откако било брутално претепано од нејзиниот татко и брат. Настанот се случил на 20 јули 2025 година, во раните утрински часови.

Според информациите од Министерството за внатрешни работи, инцидентот бил пријавен во 04:25 часот, кога лекар од Итната медицинска помош во Радовиш информирал дека малолетничката се јавила за медицинска помош со видливи повреди на телото. Таа изјавила дека повредите ѝ ги нанеле нејзиниот татко И.А. (46) и братот А.А. (21).

Полициски службеници од СВР Струмица – ОВР Радовиш веднаш постапиле по пријавата и ги привеле осомничените лица. За случајот е известен јавен обвинител од Основното јавно обвинителство Струмица, кој дал насоки за понатамошно постапување.

Во истрагата е вклучен и претставник од Меѓуопштинскиот центар за социјални работи во Радовиш, кој остварил разговор со девојчето за утврдување на околностите под кои се случило насилството. По целосното документирање на случајот, против таткото и братот ќе биде поднесена соодветна кривична пријава.

Случајот уште еднаш го актуализира прашањето за семејното насилство и потребата од брза и ефикасна реакција на институциите за заштита на малолетни жртви.