Три лица лишени од слобода за семејно насилство, седум пријави за едно деноноќие

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Три лица лишени од слобода за семејно насилство, седум пријави за едно деноноќие

23 март 2026

• од Станча Јаќимовски

Во текот на изминатото деноноќие, полицијата регистрирала вкупно седум случаи на семејно насилство, при што три лица се лишени од слобода, информираа надлежните институции.

Еден од случаите е евидентиран на 22 март 2026 година околу 00:30 часот во село во гостиварско, каде полициски службеници од ОВР Гостивар го лишиле од слобода 43-годишниот Б.С. Тој бил пријавен од неговата 40-годишна сопруга дека физички ја нападнал во семејниот дом. По целосно документирање на случајот, против него ќе биде поднесена соодветна пријава.

Претходно, на 21 март во 16:20 часот во Неготино, полицијата уапсила 73-годишен маж кој физички ја нападнал својата 72-годишна сопруга, при што употребил тврд предмет. Дополнително, тој ѝ се заканувал и на нивната 26-годишна ќерка. При интервенцијата било утврдено дека сторителот бил под дејство на алкохол, со измерени 1,20 промили алкохол во крвта. Тој е задржан во полициска станица и по насоки на јавен обвинител ќе следува пријава.

Во Полициската станица Гевгелија, 31-годишна жена пријавила дека во раните утрински часови била физички нападната од својот 33-годишен сопруг, кој ѝ нанел телесни повреди. Случајот се расчистува.

Сличен инцидент е пријавен и во Струмица, каде 37-годишна жена пријавила дека била нападната од нејзиниот 38-годишен сопруг. По завршување на постапката, ќе биде поднесен соодветен поднесок.

Во Скопје, полицијата го лишила од слобода 37-годишниот И.К., постапувајќи по пријава од неговата 19-годишна партнерка. Таа пријавила дека тој физички ја нападнал и ѝ упатувал закани по животот во нејзиниот дом.

Дополнително, 43-годишна скопјанка пријавила дека била физички нападната од својот сопруг во семејниот дом, додека 48-годишна жена пријавила напад што се случил во февруари, при што нејзиниот сопруг ја оттурнал по скалите во куќата, по што ѝ била укажана медицинска помош во Комплексот клиники „Мајка Тереза“.

Од полицијата информираат дека се преземаат мерки за целосно расчистување на сите случаи, по што ќе бидат поднесени соодветни пријави.