Трендафилов: Ако се срамат од сиромаштијата, да ги зголемат платите

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Трендафилов: Ако се срамат од сиромаштијата, да ги зголемат платите

20 март 2026

• од Станча Јаќимовски

Претседателот на Сојузот на синдикати на Македонија (ССМ), Слободан Трендафилов, испрати остра порака до надлежните институции, повикувајќи ги наместо да ги оспоруваат податоците за сиромаштијата, да преземат конкретни мерки за зголемување на платите.

Според Трендафилов, загрижувачки е фактот што дури една третина од работниците во земјава, и покрај тоа што се вработени, живеат во сиромаштија. Како што истакна, причината е ниското ниво на плати, при што значителен дел од работниците примаат помалку од 30.000 денари месечно — сума која е под официјалниот праг на сиромаштија, кој изнесува 31.200 денари.

„Ако се срамат од сиромаштијата на својот народ, треба да ги зголемат платите, а не да се борат против податоците што ја покажуваат реалната состојба“, порача Трендафилов.

Тој дополнително укажа на растот на трошоците за живот, нагласувајќи дека во изминатите три месеци животниот стандард е значително влошен. Според неговите податоци, трошоците за живот пораснале за околу 2.500 денари, додека цената на горивата бележи драматичен раст.

„За три месеци, цената на нафтата по литар е зголемена за 27,5 денари, што претставува речиси 50 проценти поскапување. Во исто време, минималната плата ќе се усогласува за само 1.667 денари, што е далеку од доволно за да го следи растот на трошоците“, потенцираше Трендафилов.

Од ССМ сметаат дека ваквите економски движења дополнително ја продлабочуваат сиромаштијата кај работниците и бараат итни мерки за подобрување на животниот стандард, пред сè преку значително зголемување на платите.

Синдикатот најавува дека ќе продолжи да врши притисок врз институциите со цел да се обезбеди поправедна распределба на приходите и достоинствен живот за сите работници во земјата.