Тоше Зафиров со силна порака до властите: „Ќе останете само вие, ние ќе се иселиме!“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Тоше Зафиров со силна порака до властите: „Ќе останете само вие, ние ќе се иселиме!“

14 јули 2025

• од Станча Јаќимовски

Познатиот македонски бодибилдер и јавна личност, Тоше Зафиров, преку емоционален статус на Фејсбук упати жестока критика до надлежните институции, особено до министерот за внатрешни работи, поради серијата трагедии и состојбата во државата. Според него, доколку не се преземат сериозни мерки, Македонија се соочува со реална закана од масовно иселување.

Во својот јавен апел, Зафиров се осврна на низа неодамнешни трагедии – сообраќајни несреќи, убиството во Кочани, трагедијата во Прилеп – и постави директно прашање до министерот Тошковски, кој неодамна престојуваше во Дубаи: „Министре, дали навистина ништо не научивте од тие што ги посетивте?“

„Во Дубаи законот важи за сите. Има луѓе што возат Бугати, но ако е ограничено на 60 – ќе возат 60. И Бугати и Рено се казнуваат исто. Зошто тоа не може да се примени кај нас?“ – праша Зафиров.

Како позитивен пример го посочи австрискиот град Грац, каде, според него, минатата година немало ниту еден загинат во сообраќајни незгоди – спротивно на поразителната слика во Македонија.

Осврнувајќи се и на неодамнешниот инцидент со физичкиот напад врз Данела Арсовска, Зафиров беше јасен дека насилството врз жени е апсолутно неприфатливо, без разлика на политичката или јавна припадност на жртвата.

„Секоја жена мора да се чувствува безбедно. Аплаудирање на насилство врз жена е срам за целото општество,“ истакна тој.

За крај, Зафиров упати предупредување кое, според него, сè повеќе граѓани го чувствуваат како реалност.

„Имам 47 години, имам два-три бизниси, и пак размислувам да се иселам. Замислете што размислуваат младите. Ако вака продолжи, ќе останете само вие – политичарите. Ние ќе си заминеме,“ порача тој.

Со оваа искрена и директна порака, Зафиров се приклучи на сè поголемиот број јавни личности кои бараат конкретни чекори за враќање на правдата, безбедноста и нормалниот живот во земјата.