Срам за Македонија: Повредени девојчиња на ЕМОФ трката во Куманово!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Срам за Македонија: Повредени девојчиња на ЕМОФ трката во Куманово!

26 јули 2025

• од Станча Јаќимовски

Две учеснички на Европскиот младински олимписки фестивал (ЕМОФ) се повредиле при завршницата на велосипедската трка што се одржа во Куманово. Едната натпреварувачка е од Полска, додека другата од Норвешка. Според информациите од Секторот за внатрешни работи Куманово, инцидентот се случил при пристигнување на целта.

Повредените велосипедистки се здобиле со полесни телесни повреди кои се констатирани во кумановската болница. Од таму информираат дека девојчињата имале гребнатини на различни делови од телото, но биле во стабилна состојба и веднаш биле преземени од страна на организаторите на фестивалот.

„Пациентките се прегледани, подложени на дополнителни испитувања и снимања. Повредите се класифицирани како лесни“, соопштија од болницата во Куманово.

Овој инцидент е втор по ред во краток временски период. Пред само два дена, на регионалниот пат Куманово – Свети Николе, локален жител удри двајца малолетни велосипедисти од Исланд – исто така учесници на ЕМОФ. За среќа, и тие поминаа само со полесни повреди.

Организаторите на ЕМОФ денеска упатија итен апел до сите делегации и тимови строго да се придржуваат до официјалните правила, утврдените патеки и термини за тренинг. Тие исто така повикаа секоја активност надвор од официјалната програма навремено да се најави.

Овие инциденти фрлаат сенка врз организацијата на Европскиот младински олимписки фестивал – настан кој треба да биде пример за безбедност, спортски дух и професионализам. Скопје 2025 беше свечено отворен во неделата со парада на 50 делегации во спортскиот центар „Јане Сандански“. Наместо со триумфи и рекорди, фестивалот започна со повреди и несоодветни услови, што фрла срам врз имиџот на Македонија како домаќин.