Шекеринска: Без напредок во дијалогот Белград–Приштина нема европска иднина за регионот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Шекеринска: Без напредок во дијалогот Белград–Приштина нема европска иднина за регионот

26 јуни 2025

• од Станча Јаќимовски

Заменик-генералната секретарка на НАТО, Радмила Шекеринска, упати јасна порака дека нормализацијата на односите меѓу Србија и Косово е клучна за напредокот на Западен Балкан на евроатлантскиот пат. Според неа, во отсуство на политички дијалог, интеграцијата и стабилноста на регионот остануваат загрозени.

„Само нормализацијата на односите меѓу двете страни може да ја отвори вратата за понатамошна интеграција и постабилна иднина“, истакна Шекеринска, додавајќи дека безбедносната состојба во светот и зголемените геополитички тензии повторно го ставија Западен Балкан во фокусот на НАТО.

Таа подвлече дека поддршката за мисијата КФОР останува силна, но дека се очекуваат конкретни резултати од политичките лидери во регионот. Шекеринска нагласи дека военото присуство не може да го замени политичкиот компромис, кој останува неопходен за трајно решение.

Посочувајќи на искуството на Македонија, таа потсети дека патот до членството во НАТО бил долг и тежок, исполнет со политички предизвици, особено во односите со Грција. „Потребни беа храбри одлуки и долгорочни компромиси за да се надмине блокадата и да се приклучиме на НАТО“, рече таа.

И покрај отворената и професионална соработка меѓу КФОР и српските вооружени сили, инцидентите од 2023 година предизвикале сериозна загриженост во Алијансата. „Очекуваме одговорност и јасни чекори од сите страни. Ниту еден сојузник не сака да ги види своите трупи загрозени од ново насилство“, предупреди Шекеринска, нагласувајќи дека НАТО ќе продолжи активно да комуницира со Белград и Приштина.