27 март 2026
• од Станча Јаќимовски
Лидерот на Алијансата за Албанците, Zијадин Села, упати сериозни обвинувања кон својот поранешен сопартиец Арбен Таравари, тврдејќи дека тој одржува блиски врски со академски кругови во Србија.
Во изјава за медиумите, Села говореше за начинот на кој се случила поделбата во партијата, нагласувајќи дека биле заобиколени највисоките партиски органи.
„Од моментот кога се случи поделбата, начинот на кој беше направена – кога се заобиколува највисокиот орган на партијата, централниот собир, за да се донесе одлука – тогаш, господине, вие сте добиле наредба и сте должни да ја спроведете,“ изјави Села.
Тој постави прашање за потеклото на таа „наредба“, алудирајќи дека зад процесите стојат структури кои, според него, придонеле за зајакнување на ВМРО-ДПМНЕ.
„Од кого ја добивте таа наредба? Од оние кои овозможија да дојде силна ВМРО на власт, ВМРО ориентирана кон ‘српскиот свет’,“ рече Села.
Дополнително, тој посочи дека добил информации оти Таравари има контакти во српските академски кругови.
На новинарско прашање на кого се однесуваат тие информации, Села директно одговори: „Арбен Таравари!“
На дополнително појаснување дали станува збор за врски со Српската академија на науките и уметностите, Села потврди: „Да, да, има пријатели…“
Овие изјави доаѓаат во период на зголемени политички тензии и по поделбата во Алијансата за Албанците, што дополнително ја усложнува политичката сцена во земјата.
Ненадминливи Понуди Дневно
4.8 (10276 рецензии)
Заштедете 152.00 ден

