СДСМ: ВМРО-ДПМНЕ ги турка граѓаните во сиромаштија – Синдикалната кошничка достигна 65.328 денари

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: ВМРО-ДПМНЕ ги турка граѓаните во сиромаштија – Синдикалната кошничка достигна 65.328 денари

22 јули 2025

• од Станча Јаќимовски

Синдикалната минимална кошничка за јули 2025 година достигна нов рекорд од 65.328 денари, предупредуваат од СДСМ, обвинувајќи ја владата предводена од ВМРО-ДПМНЕ за економски неуспех и влошување на животниот стандард на граѓаните.

Според соопштението на опозициската партија, за само еден месец трошоците за основните животни потреби се зголемиле за 630 денари, додека за последните три месеци растот изнесува 2.637 денари. Најзагрижувачки е, велат од СДСМ, порастот на цените на храна и пијалаци, кои во јули достигнале 23.682 денари за едно четиричлено семејство.

„Овие поразителни бројки се резултат на една година владеење на ВМРО-ДПМНЕ – целосно промашена и аматерска економска политика,“ стои во соопштението на СДСМ. Од партијата истакнуваат дека годишната инфлација на почетокот на месецот достигнала 4,5 %, што дополнително го намалува животниот стандард и ја поткопува куповната моќ на граѓаните.

СДСМ предупредува дека животот секојдневно станува поскап, а граѓаните сè посиромашни. Тие ја обвинуваат Владата дека нема јасна стратегија за справување со инфлацијата и дека одбива да прифати конкретни предлози од опозицијата за зголемување на платите и намалување на цените.

„Потребни се итни мерки за заштита на стандардот на граѓаните и покачување на работничките плати. Наместо тоа, Владата се фокусира на свои интереси, занемарувајќи ја економската сигурност на секое семејство во земјава,“ велат од СДСМ.

Партијата апелира до власта да престане со игнорирање на реалноста и да преземе одговорност за влошената економска состојба во државата.