СДСМ со жестока критика: Јаневска го партизира образованието и најавува затворање на 100 училишта

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ со жестока критика: Јаневска го партизира образованието и најавува затворање на 100 училишта

22 јули 2025

• од Станча Јаќимовски

Прес-конференција, членот на Комисијата за образование при СДСМ, Јованче Манасков, остро ја нападна министерката за образование Весна Јаневска, обвинувајќи ја за создавање невиден хаос во образовниот систем на Македонија. Според СДСМ, Јаневска го партизирала системот, нанесувајќи директна штета врз учениците, наставниците и самото образование.

„Во само една година, Јаневска успеа целосно да го урне достоинството на просветните работници и да го претвори образованието во лабораторија за политички експерименти на ВМРО-ДПМНЕ,“ рече Манасков.

Најконтроверзен дел од нејзините последни изјави, според СДСМ, е најавата за затворање на 100 училишта и нивна пренамена во старски домови. Социјалдемократите ја обвинија министерката дека ваквата мерка е доказ за целосно отсуство на визија и план за иднината на образованието.

„Училиштата се срцето на секое општество. Јаневска и ВМРО-ДПМНЕ очигледно не го разбираат нивното значење,“ додаде Манасков.

СДСМ ја обвинува Јаневска и за сериозен удар врз инклузивното образование, посочувајќи дека биле избркани искусни образовни асистенти и заменети со „партиски кадри“ без соодветна обука. Со тоа, според опозициската партија, биле загрозени учениците од најранливите категории.

Дополнителна критика е насочена и кон функционирањето на Државниот просветен инспекторат, кој, како што тврдат од СДСМ, е ставен под целосна партиска контрола и користен за притисоци врз директори и наставници. Обвиненија се упатени и за нетранспарентна измена на правилници за патни трошоци и закани кон инспектори.

СДСМ потсети дека министерката Јаневска, додека беше во опозиција, жестоко ја критикувала новата концепција за основно образование, а сега ја брани, признавајќи дека имала добри елементи.

„Зошто тогаш ја блокиравте цела една генерација ученици? Зошто не обезбедивте системска поддршка за нивната иднина?“ запраша Манасков.

Партијата ја обвини министерката и за непринципиелни договори во врска со ресурсните центри, посочувајќи дека наводно се договарала со политички чинители околу тоа кои директори ќе останат на функција, што СДСМ го нарече „партиска злоупотреба на институциите“.

На крајот од обраќањето, СДСМ побара итна, јавна и транспарентна дебата за сите образовни политики, повикувајќи ја Јаневска да ги повлече, како што рекоа, сите незаконски решенија и притисоци.