СДСМ: Поради неспособност на ВМРО-ДПМНЕ изгоре 20% од територијата на државата

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Поради неспособност на ВМРО-ДПМНЕ изгоре 20% од територијата на државата

27 јули 2025

• од Станча Јаќимовски

Во своето најново соопштение до јавноста, Социјалдемократскиот сојуз на Македонија (СДСМ) остро ја нападна владата предводена од ВМРО-ДПМНЕ, обвинувајќи ја за неспособност и неодговорност во справувањето со катастрофалните пожари што ја зафатија земјата.

„Цела Македонија повторно гори. Поради неспособноста на ВМРО-ДПМНЕ, во пожари изгореа 20% од вкупната површина на шуми и пасишта“, стои во соопштението. Од СДСМ велат дека ова не може да се нарече патриотизам, туку е директно предавство на сопствената држава и граѓани.

Според податоците изнесени од партијата, во последната недела активни се над 100 пожари низ целата земја, при што сериозно се погодени региони како Берово, Радовиш, Василево, Прилеп, Македонски Брод, Крива Паланка, Куманово и други.

СДСМ ја обвинува владата за потполна незаинтересираност и неорганизираност, наведувајќи дека локалните самоуправи и граѓаните се оставени сами да се справуваат со огнената стихија. Особено драматична е ситуацијата во Берово, каде според соопштението, само неколку пожарникари, без соодветна поддршка од државата, се борат со пламените на планината Готен.

„Секој ден се најавува помош, но помош никако да пристигне. Општината мораше сама да повика на мобилизација и да бара поддршка од соседните општини“, предупредуваат од СДСМ.

Партијата ја обвинува владата дека, наместо да инвестира во нова противпожарна опрема и пилоти за авиони за гаснење, троши јавни средства на „приватни летови, луксузни хотели, скапа морска храна, папаја и манго“. Дополнително, наместо вработување на пожарникари, според СДСМ, се составуваат партиски списоци за вработување во институциите.

„Ова е срамно и недозволиво. Ветувањата на Христијан Мицкоски за ревизија и модернизација на системот за заштита од пожари останаа празни зборови. Денес гледаме целосна деградација на тој систем“, порачуваат од СДСМ.

Со овој алармантен повик, СДСМ бара итна и ефикасна интервенција од владата, како и одговорност за досегашниот неуспех во справувањето со кризата која, според нив, ја загрозува не само природата, туку и животите и имотот на граѓаните.