СДСМ обвинува: ВМРО-ДПМНЕ ги остави земјоделците без над 30 милиони евра

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ обвинува: ВМРО-ДПМНЕ ги остави земјоделците без над 30 милиони евра

23 јули 2025

• од Станча Јаќимовски

Во најновото соопштение за јавноста, Социјалдемократскиот сојуз на Македонија (СДСМ) остро ја критикува актуелната владејачка гарнитура предводена од ВМРО-ДПМНЕ, обвинувајќи ја дека со ребалансот на Буџетот го осиромашува земјоделскиот сектор и ги изневерува земјоделците.

Според СДСМ, ова е првпат во историјата на државата да се намалуваат субвенциите за земјоделците преку ребаланс на Буџетот. Финансиската поддршка за секторот земјоделство е скратена од 8,3 милијарди денари (во 2023 година, за време на СДСМ) на 6,7 милијарди денари, што претставува пад од над 30 милиони евра.

„Наместо дополнителна поддршка за земјоделците, ВМРО-ДПМНЕ ги кратеше средствата и директно ја намали финансиската поддршка“, стои во соопштението на СДСМ.

Партијата дополнително укажува дека оваа година ќе се укине и авансната исплата од 30% која беше воведена во последните две години, што ќе претставува дополнителен удар за земјоделците. Се критикува и намалувањето на буџетот за програмата за рурален развој, како и укинувањето на лимитот за директни плаќања од 18 милиони денари, што, според СДСМ, претставува фаворизирање на големите компании на сметка на малите производители.

СДСМ предупредува дека овие потези се дел од поширока стратегија на Владата да ги поништи досегашните реформи и да ја наруши правичната распределба на поддршката во земјоделството.

Дополнителна загриженост, велат од СДСМ, предизвикува и предупредувањето од Европската Унија во врска со слабата ефикасност на институциите и потенцијалната загуба на ИПАРД-средствата, што се должи на заминувањето на 136 вработени професионалци од Министерството за земјоделство и Платежната агенција.

„Јасно е – ништо од изборните ветувања, ВМРО-ДПМНЕ им сврте грб на земјоделците“, заклучува СДСМ во соопштението.