СДСМ: Нема 2.500 денари покачување, пензионерите се грубо измамени од ВМРО-ДПМНЕ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Нема 2.500 денари покачување, пензионерите се грубо измамени од ВМРО-ДПМНЕ

19 јули 2025

• од Станча Јаќимовски

Со најновата најава за линеарно покачување на пензиите од само 1.000 денари, ВМРО-ДПМНЕ уште еднаш го покажува своето лицемерие и длабокото потценување на пензионерите.

Додека беа во опозиција, тие ги нарекуваа зголемувањата од 5% „бедни“, а сега испорачуваат зголемување што е дури и помало од тоа. Ветеното покачување од 2.500 денари – кое го ветија јавно и гласно – сега се сведува на симболични 1.000 денари. Тоа не е одговорно владеење, туку груба измама кон највозрасните граѓани на нашата држава.

Се поставува прашањето: дали егзистенцијата на пензионерите треба да се третира со толкав степен на нечесност и понижување? Одговорот е јасен – не.

Одговорноста сега е кај ВМРО-ДПМНЕ: зошто ветуваа едно, а испорачуваат нешто сосема друго, нешто што не само што не помага туку и навредува?

Јасно е – ВМРО-ДПМНЕ нема ниту визија ниту вистинска грижа за пензионерите. Животот стана поскап – трошоците за живот во изминатата година се зголемени за над 6.000 денари, а тие нудат покачување кое не ги покрива ниту најосновните трошоци.

Наместо системски, одржливи и праведни решенија кои би значеле континуирано унапредување на пензискиот стандард, гледаме ad hoc, популистички потези без економска основа. Потези кои ја загрозуваат стабилноста на пензискиот систем и кои се водени исклучиво од дневнополитички интереси.

Ова е опасно и неодговорно. Пензионерите заслужуваат повеќе – заслужуваат почит, стабилност и сигурност, а не предизборни манипулации и евтини поткупи.

СДСМ укажува – проблемите не се решаваат со манипулации и понижувачки суми, туку со системски пристап, одговорно управување и вистинска грижа за граѓаните.