СДСМ: Граѓаните не ги чувствуваат лажните успеси на ВМРО-ДПМНЕ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Граѓаните не ги чувствуваат лажните успеси на ВМРО-ДПМНЕ

20 јуни 2025

• од Станча Јаќимовски

Социјалдемократскиот сојуз на Македонија (СДСМ) денеска остро реагираше на изјавите на лидерот на ВМРО-ДПМНЕ, Христијан Мицкоски, повикувајќи го да даде одговори во врска со наводните донации кои партијата ги добивала од лица осомничени за трагичниот случај во Кочани.

„Наместо да избегнува одговори и да се занимава со нашата политичка стратегија, Мицкоски треба да објасни како пари од осомничени лица од Кочани завршиле кај ВМРО-ДПМНЕ“, се наведува во соопштението на СДСМ.

Партијата обвинува дека ВМРО-ДПМНЕ и нејзиниот лидер се обидуваат да ја прикријат вистината за случајот и да ги заштитат своите функционери од политичка и правна одговорност.

„За нас најважна е вистината, и нема да дозволиме обидите за манипулација и затскривање на фактите. Очигледна е нервозата на Мицкоски, но премиер не смее да биде опседнат со опозицијата, туку со потребите на граѓаните“, додаваат од СДСМ.

Во реакцијата, СДСМ упати и критики кон, како што велат, „лажната комуникациска стратегија“ на ВМРО-ДПМНЕ, оценувајќи ја како базирана на „неприфаќање одговорност, манипулации и празни ветувања“.

„Никој не ги гледа резултатите од таканаречената четврта најдобра економија, ниту од ветеното зголемување на платите. Се чувствува само енормната инфлација, задолжувањето и расипничкото трошење на пари на луксузи – од папаја и манго, до приватни авиони и хотели“, велат од СДСМ.

Партијата посочи и на неуспехот на туристичката сезона, велејќи дека тврдењата за зголемен број туристи не се поддржани со реални бројки, а Охрид бележи една од најслабите сезони во последните години.