СДСМ: Цените на светските берзи паѓаат, само кај нас не – владата на Мицкоски профитира од народот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Цените на светските берзи паѓаат, само кај нас не – владата на Мицкоски профитира од народот

11 март 2026

• од Станча Јаќимовски

Опозициската партија СДСМ обвини дека Владата предводена од премиерот Христијан Мицкоски одбива да ја намали цената на горивата, и покрај тоа што на светските берзи се бележи пад на цената на нафтата. Според партијата, граѓаните во Македонија неоправдано плаќаат повисоки цени за бензин и дизел.

Од СДСМ прашуваат зошто, кога цената на нафтата на глобалните пазари се намалува, тоа не се одразува и на домашните цени на горивата. Тие предупредуваат дека високите цени на горивата директно ќе влијаат и врз цените на основните производи во маркетите, што ќе предизвика нов бран поскапувања.

„Сите земји во регионот воведоа мерки за ограничување на цените на бензините, само владата на Мицкоски не“, велат од СДСМ, додавајќи дека со таквата политика власта, како што тврдат, профитира на грбот на граѓаните.

Партијата потсетува дека во период на нафтена криза Регулаторната комисија за енергетика (РКЕ) го променила начинот на пресметка на цените на горивата. Според нив, доколку важел стариот систем, денес ќе морало да дојде до намалување на цените, а граѓаните веќе од следниот ден би купувале поевтин бензин и дизел.

„Со новиот начин на пресметка граѓаните плаќаат поскапи горива – дури 3 милиони евра повеќе за само седум дена. Толку ги чини оваа одлука на владата на Мицкоски“, велат од СДСМ.

Од опозициската партија заклучуваат дека за актуелната влада сè се сведува на бизнис, дури и во ситуации кога, како што велат, граѓаните секојдневно плаќаат повисоки цени.