СДСМ бара оставка од Борко Ристовски: „Македонија е посрамотена пред целиот свет“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ бара оставка од Борко Ристовски: „Македонија е посрамотена пред целиот свет“

27 јули 2025

• од Станча Јаќимовски

Со жестоки обвинувања и повици за одговорност, СДСМ денеска ја обвини Владата и актуелниот министер за спорт, Борко Ристовски, за, како што велат, срамот и понижувањето што ѝ е нанесено на Македонија преку лошата организација на Младинската олимпијада.

На прес-конференцијата на партиската Комисија за спорт, Панче Милевски – Панта изјави дека земјата е прикажана како „од 19-тиот век“ пред очите на меѓународната спортска јавност. Според него, дебаклот на олимпијадата е најголемиот спортски срам во историјата на независна Македонија.

„Борко Ристовски само пред неколку месеци ја убедуваше јавноста дека ќе организира најдобра Младинска олимпијада. Денеска, гледаме катастрофа. Ова е национален резил,“ изјави Милевски.

Повредени, труени, жедни – Олимпијците во хаос

СДСМ наведува серија пропусти во организацијата:

Двајца исландски атлетичари се здобиле со скршеници и други повреди откако биле прегазени во Куманово поради необезбедена велосипедска траса. МВР, наместо да преземе одговорност, ја префрли вината врз спортистите.
Десетина атлетичари се затруле со храна.
Повеќе од десетина случаи на колабирање поради недостиг на вода, лоша логистика и престој во неклиматизирани и нефункционални простории.

„Атлетичарите спијат по двајца во кревет, во студентски домови со нефункционални тоалети, без тушеви. Во некои случаи, дури и со своите тренери. Срам и понижување,“ истакна Милевски.

Повик за оставка

СДСМ бара итна и неотповиклива оставка од министерот Ристовски, не само за, како што велат, срамната организација, туку и за катастрофалните резултати на македонските спортски федерации на самата олимпијада.

„Ова не е само спортски дебакл. Ова е институционален крах. Ако има доблест, Ристовски ќе се повлече веднаш,“ порача Милевски.

Од Министерството за спорт сè уште нема официјален одговор на обвинувањата.