СДСМ бара ОЈО веднаш да отвори предмет за гувернерот и двајца вицегувернери на НБМ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ бара ОЈО веднаш да отвори предмет за гувернерот и двајца вицегувернери на НБМ

25 март 2026

• од Станча Јаќимовски

Социјалдемократскиот сојуз на Македонија (СДСМ) побара од Основното јавно обвинителство (ОЈО) да отвори предмет и да го испита, како што велат, незаконското непостапување на гувернерот на Народната банка, Трајко Славески, во врска со изборот на вицегувернери.

Во соопштение за јавност, од СДСМ наведуваат дека постојат сериозни индиции за прекршување на законските обврски и свесно блокирање на институционалниот процес.

Спорен рок за избор

Според партијата, Законот за Народната банка јасно предвидува дека вицегувернерите се именуваат од страна на Собранието, исклучиво на предлог на гувернерот. Со недоставување на предлог, велат од СДСМ, директно се блокира законската процедура.

„Член 55 утврдува дека испразнето место мора да се пополни најдоцна во рок од два месеца по истекот на мандатот. Овој рок е обврзувачки, а не препорачлив“, се наведува во реакцијата.

Од таму посочуваат дека мандатите на вицегувернерите истекле во октомври 2025 година, а законскиот рок за нивно пополнување завршил во декември 2025 година.

Прашања за легитимитетот

СДСМ тврди дека и покрај истечените мандати, вицегувернерите продолжиле да учествуваат во носење одлуки, што, според нив, го доведува во прашање легитимитетот на институцијата.

Дополнително, обвинуваат дека во тој период им биле исплатувани плати и дека биле носени одлуки во, како што велат, „нелегитимен состав“, што може да создаде правна и финансиска несигурност.

Сомнежи за незаконитости

Партијата укажува на неколку клучни сомнежи:

незаконито непостапување на гувернерот,
овозможување продолжување на мандати без законска основа,
донесување одлуки во институција со спорен состав.

Исто така, предупредуваат и на можен судир на интереси, наведувајќи дека актуелен вицегувернер со истечен мандат е кандидат на истиот оглас.

Повик до обвинителството

СДСМ бара ОЈО да утврди:

дали гувернерот ја прекршил законската обврска со непостапување,
дали било овозможено незаконско продолжување на мандатите,
дали одлуките на органите на Народната банка се донесувани во незаконит состав.

„Институциите не смеат да функционираат по волја на поединци. Законот мора да важи за сите, особено за оние што управуваат со најважните финансиски институции во државата“, порачуваат од СДСМ.

Од партијата додаваат дека очекуваат институционална разрешница и одговорност за, како што велат, евентуалните прекршувања.