Рокас ја урна тезата на Мицкоски: Нема членство во ЕУ во 2027 без право на глас

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Рокас ја урна тезата на Мицкоски: Нема членство во ЕУ во 2027 без право на глас — клучни се уставните измени и реформите

25 февруари 2026

• од Тодор Вангелов

Амбасадорот на Европската унија во Северна Македонија, Михалис Рокас, денеска од Прилеп порача дека процесот на пристапување кон ЕУ е јасно дефиниран со постојните договори на Унијата и во нив не постои можност нова членка да биде лишена од право на глас или вето.

Тој нагласи дека евентуално воведување на такви ограничувања би значело измена на основните договори на Европската унија, за што е потребна едногласност од сите земји-членки.

„Процесот на пристапување во ЕУ е утврден со договорите на Европската унија. Во тие договори не постои одредба што би предвидела, на пример, во втора фаза успешна земја која ги исполнила условите за членство да нема право на глас или право на вето“, истакна Рокас.

Неговата изјава практично ги демантира тезите што во јавноста ги пласираа премиерите Христијан Мицкоски и Александар Вучиќ за можноста земјите кандидати да влезат во ЕУ без полноправно учество во одлучувањето. Според пораката на амбасадорот, таков модел во моментов не е предвиден во преговарачката рамка на Унијата.

Рокас појасни дека во моментов и во рамки на ЕУ и во регионот се води политичка дебата за идното проширување, особено во сценарио во кое Унијата би имала повеќе успешни кандидатки за членство.

„Во моментов во ЕУ и во регионот се води политичка дебата за тоа како Унијата би постапила доколку има четири, пет или шест успешни кандидатки и што би подразбирало нивното пристапување“, рече тој.

Амбасадорот додаде дека Европската унија паралелно се обидува да даде брзи одговори на актуелните глобални предизвици и затоа се водат дискусии во повеќе области. Сепак, подвлече дека во овој момент важат постојните договори.

Во однос на следните чекори за Северна Македонија, дипломатот беше дециден дека условите се јасно утврдени. Во моментов, клучно за отворање на преговарачките поглавја е усвојувањето на уставните измени со кои Бугарите и другите заедници ќе бидат вклучени во Уставот, како и продолжување на реформите предвидени со преговарачката рамка.

„Клучен приоритет за вашата земја е да продолжи со спроведување на реформите, што е јасниот пат напред за Република Северна Македонија“, нагласи Рокас во својата изјава од Прилеп.

Неговата изјава доаѓа во период на засилени дискусии за иднината на проширувањето на Европската унија и позицијата на земјите кандидати од Западен Балкан