Ристовски упатува критики: Пропустите се резултат на неспособноста на градската власт и МОК

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Ристовски упатува критики: Пропустите се резултат на неспособноста на градската власт и МОК

27 јули 2025

• од Станча Јаќимовски

Министерот за спорт, Борко Ристовски, остро реагираше на обвинувањата од Град Скопје во врска со организацијата на Европскиот младински олимписки фестивал – ЕМОФ Скопје 2025, нарекувајќи ги „паушални, неточни и навредливи“.

На своите социјални мрежи, Ристовски објави дека цел ден добивал пораки со навреди и обвинувања, додавајќи дека не сака да навлегува во политички преписки со личности чии политички кариери се, според него, веќе завршени или се соочуваат со судски процеси.

Повод за неговата реакција беше изјавата од Град Скопје, во која се тврди дека и покрај тоа што МОК и Министерството цела година ја подготвуваат организацијата на фестивалот, градот бил целосно исклучен од процесот, и не добил дури ни покана за отворањето.

Ристовски потсети дека уште на прес конференцијата од 6 април истакнал оти овој настан е од големо значење за македонскиот спорт, и дека поддршката што Министерството ја дало – била побарана дури во последните 90-100 дена. Според него, иако институцијата што ја води нема капацитети за целосна организација, таа ја исполнила својата обврска во целост.

„Министерството за спорт не е официјален организатор на ЕМОФ Скопје 2025! Ако некој треба да сноси одговорност за пропустите, тоа се оние што презедоа обврска да го организираат настанот“, изјави Ристовски, посочувајќи директно кон „неспособноста на една градоначалничка и на одговорните луѓе во МОК“.

Тој додаде дека министерството ќе продолжи да соработува со сите институции во рамките на своите надлежности, но нема да молчи на, како што рече, „невистини и обиди за дефокусирање од реалната слика“.

„Работата не се средува со преписки и Фејсбук статуси, туку со реални факти и аргументи. Кога некој е неуспешен, најлесно е да обвинува на социјалните мрежи. СПОРТОТ ЌЕ ЖИВЕЕ!“, заклучи министерот Ристовски.