Проф. Узунов алармира: Линеарното зголемување на пензиите е штетно и популистичко

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Проф. Узунов алармира: Линеарното зголемување на пензиите е штетно и популистичко

23 јули 2025

• од Станча Јаќимовски

Предлогот за линеарно зголемување на пензиите за сите пензионери за 1.000 денари предизвика бројни реакции, откако анализата на ТВ24 покажа дека од него реална корист ќе имаат само околу 25.800 пензионери, односно 7,5 отсто од вкупниот број. Според актуелната формула за усогласување на пензиите со инфлацијата и растот на просечната плата, речиси 320.000 пензионери би добиле зголемување поголемо од предложените 1.000 денари.

Универзитетскиот професор Ванчо Узунов остро реагираше на најавената промена, нарекувајќи ја штетна и популистичка. Тој смета дека со ваков пристап се урива пензискиот систем кој со децении се градел. Според него, владата ја користи мерката како алатка за собирање политички поени пред избори.

„Зошто Владата не објасни кој точно колку ќе добие со линеарно, а колку со процентуално зголемување? Одговорот е јасен – затоа што линеарното зголемување полесно се продава политички,“ вели Узунов.

Во земјата има речиси 345.000 пензионери, при што најголем дел (35,7%) добиваат пензија од 18 до 22 илјади денари месечно. Помалку од еден отсто земаат пензија повисока од 62.500 денари, додека речиси идентичен број примаат и најниска пензија до 18.000 денари.

Премиерот Христијан Мицкоски изјави дека Владата ќе го разгледа предлог-законот за линеарно зголемување на пензиите и го најави неговото доставување до Собранието. „Тоа го бараат пензионерите – процентот што треба да се зголеми да биде рамномерно распределен,“ изјави Мицкоски, додавајќи дека очекува законот да се изгласа пред распишувањето на локалните избори.

Сепак, експертите предупредуваат дека зад навидум праведното решение се крие неправда за голем број пензионери, кои според моменталниот систем би добиле повеќе. Промената може да доведе не само до финансиска штета за нив, туку и до долгорочна нестабилност во пензискиот систем.