Приватните превозници денеска со редуциран градски превоз
Скопјани со редуциран градски превоз. Приватните превозници предмалку ги паркираа автобусите во гаражите. Возеа од 5 до 10 часот.
Трите фирми се договориле да нема протести и да не се блокираат улиците во Скопје. Причина за ваквата одлука е поради како што велат, нередовната исплата на средства, а долгот веќе достигнал 140 милиони денари. Иако директорот на ЈСП ветил исплата на авансот, сепак им биле префрлени само 300 илјади денари.
Скопјани речиси две години се жалат од јавниот превоз, бидејќи автобусите се нередовни, а кога доаѓаат се преполни со патници. Приватните превозници штрајкуваа половина година, од декември 2022-та, до мај лани поради долг од еден и пол милион евра.