Притвор од 30 дена за осомничениот за убиството од користољубие во Охрид

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Притвор од 30 дена за осомничениот за убиството од користољубие во Охрид

30 март 2026

• од Станча Јаќимовски

Основниот суд во Охрид му одреди мерка притвор во траење од 30 дена на осомничениот Живко Грозданоски, во врска со убиството на 76-годишниот Климе Митрески. Одлуката ја донел судија на претходна постапка, прифаќајќи ги аргументите дека постои опасност од бегство, како и можност осомничениот да влијае врз сведоци и да ја попречува истрагата.

Според истражните органи, Грозданоски е осомничен дека на 25 мај, од користољубие, го лишил од живот Митрески во неговиот дом. Настанот, како што се наведува, започнал со вербална расправија, по што преминал во физички напад, кој завршил со задушување на жртвата. Мотивот, според обвинението, бил поврзан со договор за доживотна издршка, кој осомничениот сакал да го спречи да биде раскинат.

Случајот ја вознемири јавноста, особено поради вредноста на имотот што бил предмет на договорот. Станува збор за недвижност од околу 317 метри квадратни, лоцирана во стариот дел на Охрид, во близина на Саат кулата, на улицата „Нада Филева“, каде се наоѓа и познатиот угостителски објект „Климентов конак“.

Осомничениот бил уапсен во тетовското село Брвеница, по претходно распишана централна потерница од СВР Охрид. Според достапните информации, тој работел како анестезиолошки техничар на КАРИЛ.

Во меѓувреме, неговиот син Божидар Грозданоски преку социјалните мрежи изрази поддршка за својот татко, нагласувајќи дека со години чесно и посветено ја извршувал својата професија. Во објавата, тој реагира на, како што наведува, „медиумски линч“, истакнувајќи дека се занемаруваат делата и помошта што осомничениот им ја пружил на многу луѓе.

Грозданоски во јавноста е познат и како еден од лидерите на организацијата „Христијанско братство“, чии членови учествуваа во протестите поврзани со политичките случувања во земјата, вклучително и настаните од 27 април 2017.

Дополнително, тој и претходно бил во фокусот на органите на прогонот, откако во 2019 година беше приведен поради закани упатени преку социјалните мрежи кон тогашниот премиер Зоран Заев.

За кривичното дело за кое се товари – убиство од користољубие – Кривичниот законик предвидува казна затвор од најмалку 10 години или доживотен затвор. Истрагата за случајот продолжува.