Прилепчанец фалсификувал диплома за осмо одделение за да полага за возачка дозвола

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Прилепчанец фалсификувал диплома за осмо одделение за да полага за возачка дозвола

24 февруари 2026

• од Станча Јаќимовски

Жител на Прилеп со завршено четврто одделение изработил лажно свидетелство за завршено осмо одделение со цел да може да се пријави во авто-школа и да полага за возачка дозвола.

Според информациите од Министерството за внатрешни работи, ОВР Прилеп поднесе кривична пријава против Н.А. (49) од Прилеп поради основано сомнение за сторено кривично дело „фалсификување на исправа“.

Како што информираат надлежните, во септември 2025 година пријавениот изработил лажна исправа – свидетелство на негово име, наводно издадено од основно училиште за завршено осмо одделение. Намерата му била документот да го употреби при упис во авто-школа, како услов за полагање на возачки испит.

Иако во јавноста често се говори за фалсификувани дипломи за високо образование со цел добивање подобро платени работни позиции, во овој случај станува збор за обид за „скромно“ унапредување на образовниот статус – од четврто до осмо одделение – исклучиво за исполнување на формалните услови за стекнување возачка дозвола.

Случајот е предаден на понатамошна постапка, а надлежните органи ќе утврдуваат дали и како лажната исправа била употребена во постапката за пријавување во авто-школа. Кривичното дело „фалсификување на исправа“ е казниво според Кривичниот законик, а предвидените санкции зависат од околностите и тежината на делото.