По Данела, и градоначалникот на Бутел доби закани од поранешен припадник на УЧК

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

По Данела, и градоначалникот на Бутел доби закани од поранешен припадник на УЧК

21 јули 2025

• од Станча Јаќимовски

По поранешната градоначалничка на Скопје, Данела Арсовска, и актуелниот градоначалник на општина Бутел, Дарко Костовски, стана мета на закани преку социјалните мрежи. Костовски јавно реагираше на Facebook, откако добил коментар со заканувачка содржина од лице по име Емри Сабедини, за кој се тврди дека е поранешен припадник на УЧК.

Во својот пост, Костовски пренесува дека Емри му напишал коментар „Дома спреми се“, што тој го сфатил како сериозна закана. Јавно го праша Сабедини:

„1. За што да се спремам !?
2. Тоа пушките на профилна си ги ставил да плашиш некој или чисто слики од младоста !?
Ако веќе се закануваш, ајде, еве ти прилика јавно да се искажеш појасно ! Или ќе се криеш …“

Костовски информираше дека за инцидентот веќе е известен министерот за внатрешни работи и дека е поднесена официјална пријава за закана. Тој изрази разочараност од ваквите појави, посочувајќи дека низ неговиот мандат добивал слични закани речиси секојдневно.

„Скоро да немаше ден од мојот мандат во првата година без слична закана. Некогаш и повеќе во денот! Еве од сега решив јавно да ги објавувам, вајда Емри ќе се охрабри и ќе биде појасен.“

Во заклучокот од својата објава, градоначалникот порачува:

„Емри, такви како тебе еден куп, ама се бе на лаење останаа мајката. Бандити, криминалци и страшила кај мене не поминуваат бе пријател. Те чекам.“

Овој случај го отвора прашањето за безбедноста на јавните функционери и злоупотребата на социјалните мрежи за упатување закани. Се очекува институциите да го истражат случајот и да утврдат дали навистина станува збор за сериозна закана или за провокација без основа.