ЈП Национални шуми наместо пари ќе исплаќа регрес за годишен одмор во огревно дрво?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ЈП Национални шуми наместо пари ќе исплаќа регрес за годишен одмор во огревно дрво?

19 февруари 2026

• од Станча Јаќимовски

Сојузот на синдикатите на Македонија (ССМ) преку објава на социјалните мрежи информира дека во ЈП „Национални шуми“ се разгледува можноста регресот за годишен одмор, познат како К-15, наместо во паричен износ да биде исплатен во огревно дрво.

Во објавата ССМ јавно прашува дали некој од Конфедерацијата на слободни синдикати (КСС) договорил К-15 да се исплаќа „во натура“, односно во кубни метри дрва, наместо во пари.

Правото на регрес според Колективниот договор

Според член 21 од Општиот колективен договор за јавниот сектор, кој го обезбедил ССМ, вработените во јавниот сектор имаат право на регрес за годишен одмор во висина од најмалку 30% од основицата, под услов работникот да работел најмалку шест месеци во календарската година кај истиот работодавач.

Дополнително, во член 5 став 2 од Колективниот договор е предвидено дека со договор на ниво на сектор, оддел, група или работодавач, како и со индивидуален договор за вработување, не смеат да се утврдат понеповолни права од оние што се гарантирани со закон и со колективниот договор. Доколку се утврдат такви одредби, тие се сметаат за ништовни и автоматски се применуваат одредбите од закон и од колективниот договор.

Кривична одговорност за прекршување на правата

ССМ потсетува и на член 166 од Кривичниот законик, кој предвидува санкции за кривични дела против работните односи. Според овој член, лице кое свесно не се придржува кон закон, пропис или колективен договор во делот на засновање или престанок на работен однос, плата и надоместоци, работно време, одмор или отсуство, и со тоа ќе повреди или ограничи право на работник, може да биде казнето со парична казна или со затвор до една година.

Притисоци и наводи за присилно потпишување?

Во објавата се поставуваат и прашања дали евентуалната одлука е официјално потпишана и дали вработените се присилуваат да потпишуваат согласност К-15 наместо во пари да им биде исплатен во огревно дрво.

Исто така, се отвора дилемата дали оваа постапка е поврзана со наводи дека дел од вработените во ЈП „Национални шуми“ биле принудувани да се зачленат во КСС, со цел наместо паричен регрес да добијат дрва и да се откажат од поднесените тужби за неисплатен регрес за годишен одмор.

Од ССМ засега нема дополнителни информации дали ќе преземат конкретни правни чекори, но пораката од објавата е јасна – исплатата на К-15 во натура, доколку е спротивна на закон и колективен договор, може да претставува сериозно прекршување на работничките права.