Од признавањето на Македонија во 1992 до денес: Михајлова повторно на чело на бугарското МНР

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Од признавањето на Македонија во 1992 до денес: Михајлова повторно на чело на бугарското МНР

18 февруари 2026

• од Гоце Кически

Поранешната министерка за надворешни работи на Бугарија, Надежда Михајлова, повторно се најде во центарот на вниманието по нејзиниот избор за министер за надворешни работи во техничката влада на Бугарија.

Нејзиното име е добро познато во македонско-бугарските односи, особено поради нејзината улога во периодот на крајот од деведесеттите години, кога Скопје и Софија направија значаен дипломатски исчекор. Михајлова беше министер за надворешни работи во владата на Иван Костов во периодот од 1997 до 2001 година, време во кое Бугарија силно се насочи кон НАТО и Европската унија и се обиде да игра стабилизирачка улога на Балканот.

Но нејзината поврзаност со Македонија датира уште од почетокот на деведесеттите. На 15 јануари 1992 година Бугарија прва во светот ја призна независноста на тогашната Република Македонија. Одлуката беше донесена по силно инсистирање на претседателот Жељу Желев. Доцна вечерта беше прекината седницата на парламентот, а премиерот Филип Димитров соопшти дека владата одлучила да признае четири републики од поранешна Југославија. Одлуката доби поддршка од сите тогашни бугарски партии.

Токму Надежда Михајлова, тогаш портпарол на бугарската влада, ја соопшти одлуката во програмата на Бугарската телевизија со зборовите дека „Владата на Република Бугарија ја признава независноста на републиките Словенија, Хрватска, Македонија и Босна и Херцеговина“. Овој момент често се наведува како нејзино прво директно поврзување со едно од најважните прашања во македонско-бугарските односи.

Во подоцнежниот период, како шефица на дипломатијата, нејзиното име најчесто се поврзува со Заедничката декларација од 1999 година меѓу Бугарија и тогашната Република Македонија. Документот беше постигнат со владата на премиерот Љубчо Георгиевски и се смета за важна пресвртница во односите меѓу двете земји. Со декларацијата беа нормализирани билатералните односи и беше избегната директна конфронтација околу јазичното прашање преку формулацијата „службените јазици на двете држави“. Во тој период Михајлова во регионот беше перцепирана како прагматичен дипломат кој придонесе за намалување на тензиите меѓу Софија и Скопје.

За време на кризата во Македонија во 2001 година, бугарската надворешна политика поставена во периодот на нејзиниот мандат го поддржа територијалниот интегритет на тогашната Република Македонија.

Нејзиното враќање на чело на бугарската дипломатија внимателно се следи и во Скопје, со оглед на тоа што станува збор за искусен дипломат со длабоко познавање на македонско-бугарските односи.