„Нема сменета шајка, лебарки се шетаат во кујните“ – Синдикатот обвинува за катастрофални услови во касарните

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

„Нема сменета шајка, лебарки се шетаат во кујните“ – Синдикатот обвинува за катастрофални услови во касарните

18 март 2026

• од Станча Јаќимовски

Независниот синдикат на професионални војници алармира за, како што велат, катастрофални услови во армиските касарни низ државата, обвинувајќи дека најголем дел од објектите со децении не се обновени, додека јавноста се соочува со „шминкана“ слика преку промотивни активности на Министерството за одбрана.

Претседателот на синдикатот, Александар Насковски, остро реагира на изјавите и јавните настапи на министерот Владо Мисајловски, оценувајќи дека прикажувањето на реновирани простории претставува „евтина ПР кампања“ која не ја отсликува реалната состојба на терен.

„Се сликаа покрај реновиран објект, со нови плочки и мијалници, но тоа е само една страна од приказната. Во реалноста, 90 отсто од професионалните војници престојуваат во објекти изградени во времето на поранешната ЈНА, во кои со децении не е вложено ништо“, вели Насковски.

Тој тврди дека состојбата во касарните не е променета повеќе од три децении.

„Не е ставена ни една шајка во овие објекти во последните 35 години. Хигиената е на алармантно ниво, а условите за исхрана се загрижувачки. Во најголемата кујна во најголемата касарна во Македонија, лебарките се шетаат по храната која им се служи на војниците“, изјави Насковски, посочувајќи дека за ваквите наводи постојат и фотографии објавени на социјалните мрежи.

Од синдикатот нагласуваат дека ќе продолжат јавно да ја презентираат „вистинската слика“ за условите во кои работат и престојуваат професионалните војници.

Од друга страна, министерот за одбрана Владо Мисајловски признава дека инфраструктурата во Армијата бара сериозни инвестиции, но потенцира дека актуелната состојба е наследена.

„Мора многу да вложуваме во армиските капацитети. Потребна е обнова на инфраструктурата, но и стручен кадар – пилоти, техничари, механичари, доктори. Дел од касарните во минатото биле дадени на општините или продадени, па тие капацитети денес ги нема“, изјави Мисајловски.

Тој најави дека Министерството ќе продолжи со активности за подобрување на состојбите, вклучително и нови вработувања, при што неодамна беше најавен конкурс за прием на 300 нови војници.

Сепак, синдикатот останува на ставот дека без системски и суштински инвестиции, условите во кои функционираат припадниците на Армијата ќе продолжат да бидат далеку од соодветни.