Наунов: Нашите деца ги убија партиските книшки и партиските војници

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Наунов: Нашите деца ги убија партиските книшки и партиските војници

22 март 2026

• од Станча Јаќимовски

Семејствата на жртвите од трагедијата во дискотеката „Пулс“ во Кочани продолжуваат со интензивниот притисок за правда, откако во изминатиот период организирале вкупно 38 протестни маршеви. Ова го истакна Александар Наунов, татко на Надица Наунова, во гостување во „Отворено студио“ на 4ТВ.

Според Наунов, протестите се одржуваат континуирано и се темпирани по судските рочишта што се одвиваат во судницата во Идризово. Дел од нив биле реализирани и во Скопје, додека пет блокади биле организирани на кружниот тек кај „Спорт Реалити“, со цел да се изврши дополнителен притисок врз институциите за побрзо започнување и водење на судскиот процес.

„Секој марш следи по судските рочишта. Будно ги следиме сите случувања и на маршевите ја бараме вистинската правда за нашите деца, но и да се спречи ваква трагедија да се повтори“, изјави Наунов.

Тој остро ја критикуваше состојбата во институциите, посочувајќи дека системската корупција и партизацијата се клучни причини за трагедијата.

„Нашите деца ги убија партиските книшки и партиските војници. Секој треба да работи во својата струка и да ја сноси одговорноста за она што го прави“, нагласи тој.

Семејствата на жртвите, како што додаде, нема да се откажат од борбата сè додека вистинските виновници не бидат изведени пред лицето на правдата.

„Ќе продолжиме да излегуваме на маршевите и да ја бараме правдата – за нашите деца, за идните генерации и ваква трагедија никогаш повеќе да не се повтори“, порача Наунов.

Протестите, според најавите, ќе продолжат и во наредниот период, со засилен фокус на одговорноста на институциите и транспарентноста на судскиот процес.