Најчевска: Мицкоски решава за сè, а Собранието може да стане хотел со сали за коцкање

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Најчевска: Мицкоски решава за сè, а Собранието може да стане хотел со сали за коцкање

21 јули 2025

• од Станча Јаќимовски

Професорката во пензија и граѓанска активистка Мирјана Најчевска изрази жестока критика на сметка на премиерот Христијан Мицкоски и функционирањето на македонското Собрание, по неговата денешна изјава поврзана со евентуалното разрешување на претседателката на Државната комисија за спречување на корупцијата (ДКСК), Татјана Димитровска.

Според Најчевска, законодавниот дом во моментов нема никаква реална функција, бидејќи, како што тврди, сите одлуки се донесуваат директно од страна на премиерот.

„Мицкоски решава за сè. Тој им кажува на пратениците што да прават и како да гласаат,“ вели Најчевска.

Таа отиде и чекор подалеку, предлагајќи иронично зградата на Собранието да се стави во функција на угостителство и забава, бидејќи, според неа, моментално не служи за ништо суштинско.

„Зошто да даваме толку силни пари за плати на дрвени кукли, и патни трошоци, и собраниски служби и одржување на зграда? Собраниската зграда може да се даде под концесија на некоја коцкарница и да се претвори во прекрасен хотел со сали за коцкање. Барем ќе се добиваат пари од порез“, напиша Најчевска на социјалните мрежи.

Нејзините коментари доаѓаат во време на зголемени политички тензии и јавна дебата за независноста на институциите и транспарентноста на процесите во државата.