Муцунски во Тирана: Коридорот VIII во фокус на регионалната координација и стратешките приоритети

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Муцунски во Тирана: Коридорот VIII во фокус на регионалната координација и стратешките приоритети

18 февруари 2026

• од Гоце Кически

Министерот за надворешни работи и надворешна трговија, Тимчо Муцунски, учествуваше на министерски состанок во Тирана посветен на унапредувањето на Коридорот VIII, при што ја нагласи стратешката важност на проектот за регионалната поврзаност и економскиот развој.

Во објави на социјалните мрежи во текот на денот, Муцунски информираше дека на состанокот учествувале претставници од Албанија, Италија, Бугарија и Романија, со фокус на тековните инфраструктурни проекти и предизвиците што бараат посилна политичка координација.

Министерот изрази благодарност до заменик-министерката Вилма Премти за срдечното добредојде во Тирана.

Стратешка врска меѓу две мориња

Подоцна, Муцунски порача дека Коридорот VIII не е само линија на мапата, туку „стратешка врска меѓу Јадранското и Црното Море“. Тој нагласи дека во денешниот геополитички контекст поврзаноста претставува форма на сила, а не само политички слоган.

Министерскиот состанок „Коридор VIII во стратешкиот момент на Европа: Поврзаност, отпорност и споделен просперитет преку интеграција“ се одржа на покана на претседателката на албанското Собрание, Елиса Спиропали.

За време на дискусиите, Муцунски ја истакна економската и политичката важност на Коридорот VIII и ја подвлече потребата од целосно вклучување на сите клучни чинители.

Потврдена посветеност

Муцунски повторно ја нагласи улогата на државата како централна точка долж трасата на Коридорот VIII и ја реафирмираше целосната посветеност за негова реализација. Тој укажа и на значењето на Италија како фактор на Јадранот и на Романија како клучна држава на Црното Море и во регионалната економија, оценувајќи дека нивната улога е суштинска за Коридорот VIII да прерасне во вистинска европска врска од почеток до крај.

Забележително е што во оваа изјава не беше експлицитно истакната Бугарија, иако таа е целосно посветена на Коридорот VIII и интензивно работи на проектот, чија вкупна должина изнесува околу 1.300 километри.

Учесниците се согласија дека во следната фаза приоритет треба да имаат:

финансиски одржливи проекти,
координирана прекугранична имплементација, и
рамномерен напредок долж целата траса на Коридорот VIII.

Коридорот VIII има витално значење за регионот и претставува клучен стратешки интерес на НАТО, особено во контекст на војната во Украина и зголемената потреба од сигурни источнозападни транспортни и логистички врски. По минатогодишниот политички дебакл поврзан со Коридорот, актуелните чекори на Владата може да се толкуваат како обид конечно да се постават северноатлантските приоритети на вистинското место. Сепак, останува да се види што ќе донесе следниот период.

Коридорот VIII е значајна паневропска транспортна иницијатива чија цел е поврзување на пристаништата на Јадранското и Црното Море преку регионот, со намера да се поттикнат трговијата, мобилноста и регионалната интеграција.