Муцунски: Стоиме со САД во соочувањето со заканите на Блискиот Исток

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Муцунски: Стоиме со САД во соочувањето со заканите на Блискиот Исток

28 февруари 2026

• од Гоце Кически

Министерот за надворешни работи и надворешна трговија, Тимчо Муцунски, преку објава на социјалните мрежи изрази поддршка за Соединетите Американски Држави во справувањето со, како што наведе, „дестабилизирачките закани на Блискиот Исток“, нагласувајќи ја важноста од координиран и одговорен меѓународен пристап кон безбедносните предизвици во регионот.

Во својата објава, Муцунски истакна дека Македонија стои покрај своите американски сојузници во напорите за соочување со заканите кои ја поткопуваат стабилноста на Блискиот Исток. Тој потенцира дека Соединетите Држави јасно ставиле до знаење дека дипломатијата секогаш е првата опција, но додаде дека одвраќањето останува неопходно кога постојат кредибилни ризици.

„Безбедноста, стабилноста и одговорноста одат рака под рака“, наведе министерот, посочувајќи дека овие принципи се темел на надворешната политика во услови на засилени геополитички тензии.

Муцунски информираше и дека македонските дипломатско-конзуларни претставништва во регионот се активно ангажирани на терен. Според него, амбасадите и конзуларните тимови работат на поддршка и асистенција на македонските државјани, со цел да се обезбеди нивната безбедност и да се обезбеди целосна конзуларна помош доколку е потребно.