Мојсоска: 21 година откако Струга беше предадена, ДПМНЕ ја отпиша Западна Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Мојсоска: 21 година откако Струга беше предадена, ДПМНЕ ја отпиша Западна Македонија

24 јули 2025

• од Станча Јаќимовски

Пратеничката од партијата Левица, Јована Мојсоска, преку својот профил на социјалните мрежи остро ја коментираше изјавата на премиерот Христијан Мицкоски, кој најави дека ВМРО-ДПМНЕ нема да настапи со кандидати за градоначалници во општините од Западна Македонија на претстојните локални избори.

„Премиерот Мицкоски вчера (22.07.2025) официјализира дека во Западна Македонија неговата партија НЕМА да настапи со кандидати за градоначалници“, напиша Мојсоска.

Таа го поврза овој потег со симболиката на датумот 22 јули, потсетувајќи на случувањата од 2004 година, кога се случи т.н. „струшка ноќ на отпорот“ – граѓански протест против територијалната поделба, кој е запаметен како еден од најинтензивните отпори во поновата политичка историја на Македонија. Мојсоска потсети дека токму тогашниот премиер Владо Бучковски, според неа, „одвај ја спасил живата глава“.

„После 21 година, откако Струга беше предадена, Западна Македонија е ОТПИШАНА од партијата за ‘македонско национално единство’. Историјата за македонскиот народ се повторува само како трагедија“, истакна Мојсоска, алудирајќи на историското разочарување на Македонците од Западна Македонија од политиките на ВМРО-ДПМНЕ.

Изјавата предизвика бурни реакции во јавноста, особено меѓу поддржувачите на ВМРО-ДПМНЕ и жителите на западниот дел од државата, кои се чувствуваат политички маргинализирани со последните одлуки на владејачката партија. Се очекуваат дополнителни реакции и разјаснувања од страна на премиерот и партиското раководство.