22 февруари 2026
• од Станча Јаќимовски
Дваесет и тригодишен работник од Велес го загуби животот откако врз него паднала метална конструкција во индустриската зона во општина Петровец, Скопје.
Според информациите од Министерството за внатрешни работи, на 19.02.2026 година во 15:00 часот во СВР-Скопје било пријавено дека за време на изведување работи на објект во изградба – фабрика во индустриската зона во Петровец – метален профил паднал од височина врз Е.А. (23) од Велес.
Од здобиените повреди младиот работник починал на самото место. Лекар од Итната медицинска помош ја констатирал смртта, а по насоки на јавен обвинител телото на починатиот е предадено на обдукција.
Случајот е пријавен и кај трудовиот инспектор, додека увид на местото на несреќата извршила екипа од СВР-Скопје. Надлежните институции преземаат мерки за целосно расчистување на околностите под кои се случила несреќата.
Ненадминливи Понуди Дневно
4.8 (10276 рецензии)
Заштедете 152.00 ден

