Мециновиќ: Се движиме кон хуманитарна и социјална катастрофа со овие економски политики на Владата

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Мециновиќ: Се движиме кон хуманитарна и социјална катастрофа со овие економски политики на Владата

23 јули 2025

• од Станча Јаќимовски

Пратеникот од Левица, Амар Мециновиќ, жестоко ја критикуваше економската политика на Владата, предупредувајќи дека државата се движи кон хуманитарна и социјална катастрофа. Неговиот говор беше личен и искрен, фокусирајќи се на реалните последици од владините буџетски одлуки врз животот на обичните граѓани, како и на сѐ позасиленото иселување кое, според него, добива димензии на трагедија.

Мециновиќ остро го нападна ребалансот на буџетот, оценувајќи го како политички инструмент кој не нуди вистински решенија за економските и социјалните предизвици. Тој го обвини владејачкото мнозинство за континуирана политика на прилагодување на буџетот според интересите на т.н. политичко-економска бизнис елита, занемарувајќи ги потребите на народот.

„Ребалансот не е одговор, туку доказ за децениска политика што ги игнорира суштинските проблеми. Наместо економска стабилност, добиваме празни флоскули кои ја прикриваат немоќта на системот да го задржи својот народ, особено младите и работливите луѓе,“ истакна Мециновиќ.

Дополнително, тој укажа на целосното игнорирање на опозицијата во процесот на носење на ребалансот, оценувајќи дека буџетот се користи како партиска алатка за предизборна мобилизација. „Тие го трошат државниот буџет како да е личен семеен приход, а не инструмент за јавен интерес“, потенцираше пратеникот од Левица.

Според Мециновиќ, потребна е итна промена на пристапот, што ќе биде фокусирана на реалните потреби на граѓаните, наместо на интересите на мал број привилегирани. Инаку, како што вели, последиците ќе бидат уште потешки и подолготрајни за македонското општество.