13 февруари 2026
• од Станча Јаќимовски
Полицијата во белградската општина Вождовац уапси 46-годишен државјанин на Македонија, С. Г., под сомнение дека ја запалил пицеријата во која до неодамна работел, а потоа снимките од пожарот им ги испраќал на сопствениците со порака „Гледајте како гори“.
Според информациите објавени од српските медиуми, осомничениот неодамна добил отказ од работното место, по што, револтиран од одлуката, решил да се одмазди. Тој наводно дошол во објектот со шише бензин и го запалил внатрешниот дел од пицеријата.
По избувнувањето на пожарот, С. Г. го снимил огнот со мобилен телефон, а видеоснимките им ги испратил на сопствениците на објектот, придружени со провокативната порака.
Полицијата брзо реагирала и го лишила од слобода осомничениот, кој се товари за кривични дела „предизвикување општа опасност“ и „загрозување на безбедноста“. По наредба на надлежното обвинителство, му е одредена мерка притвор во траење од 48 часа, по што ќе биде изведен на распит заедно со кривична пријава.
Истрагата за случајот е во тек.
Бугарското собрание го ратификуваше Договорот за железничкиот тунел на Коридор 8
Ненадминливи Понуди Дневно
4.8 (10276 рецензии)
Заштедете 152.00 ден

