Лисици низ Скопје – апел од „Анима Мунди“: Не паничете, не хранете и не бркајте ги
17 јуни 2025
• од Станча Јаќимовски
Последниве денови низ Скопје, особено во подножјето на Водно и населбата Козле, се забележани повеќе случаи на појава на лисици – вклучително и мајка со младенчиња. Овие сцени, овековечени и преку видеа, предизвикаа реакции кај граѓаните, но од Здружението за заштита на животните „Анима Мунди“ апелираат: нема простор за паника.
Од здружението појаснуваат дека лисиците не претставуваат закана за луѓето. Тие се плашливи, интелигентни и претежно ноќни животни кои избегнуваат контакт со човекот. Нивната се поизразена појава во урбани средини, според „Анима Мунди“, е последица на сè поголемата загуба на природни живеалишта поради уништување на шумите, градежната експанзија и недостигот на храна.
„Ова не е напад, туку повик за разбирање. Лисиците, исто како и луѓето, се обидуваат да преживеат во менливиот амбиент. Нивното присуство не е причина за страв, туку можност да изградиме свесност и почит кон животот што нè опкружува“, велат од „Анима Мунди“, посочувајќи дека во многу европски градови – како Лондон, Берлин, Торонто и Љубљана – лисиците се веќе нормален дел од урбаната фауна и живеат паралелно со луѓето без проблеми.
Од здружението даваат и препораки како да постапиме при средба со лисица:
- Не се обидувајте да ја бркате, фаќате или храните.
- Не оставајте остатоци од храна или отворени канти – тоа ги привлекува.
- Држете ги домашните миленици на поводник и останете смирени – лисицата сама ќе се повлече.
- Пријавете ако забележите повредена или дезориентирана единка.
„Лисиците се дел од нашата природа. Непознавањето не треба да стане извор на страв, туку поттик за едукација и разбирање“, апелираат од здружението, нагласувајќи дека Скопје може и треба да биде град што живее во хармонија со природата.
Своето мислење за ситуацијата го изнесе и Македонското Еколошко Друштво (МЕД), од каде потврдуваат дека лисиците се редовни жители на Водно и често се појавуваат и во соседните населби како Жданец, Нерези и Козле.
„Присуството на мајка со младенчиња укажува на здрави и природни процеси. Како и другите животни кои се опортунисти во исхраната, и лисиците се привлечени од органски отпад кој често не се селектира и не се собира редовно“, појаснуваат од МЕД.
Скопје е дом и за луѓето и за многу диви животни. Односот кон нив треба да биде одраз на нашата свесност, а не на ирационален страв.
Последни вести
Физички напад во Скопје: Ќерка ја нападнала мајка си и ја оштетила покуќнината
Во Бугарија: Симитли ќе стане тест-полигон за оклопни возила од домашно производство
Г7 ја поддржа Израел и го прогласи Иран за дестабилизирачки фактор на Блискиот Исток
Румен Радев: Бугарија никогаш не ставила вето на патот на С. Македонија кон ЕУ
Лисици низ Скопје – апел од „Анима Мунди“: Не паничете, не хранете и не бркајте ги
17 јуни 2025
• од Станча Јаќимовски
Последниве денови низ Скопје, особено во подножјето на Водно и населбата Козле, се забележани повеќе случаи на појава на лисици – вклучително и мајка со младенчиња. Овие сцени, овековечени и преку видеа, предизвикаа реакции кај граѓаните, но од Здружението за заштита на животните „Анима Мунди“ апелираат: нема простор за паника.
Од здружението појаснуваат дека лисиците не претставуваат закана за луѓето. Тие се плашливи, интелигентни и претежно ноќни животни кои избегнуваат контакт со човекот. Нивната се поизразена појава во урбани средини, според „Анима Мунди“, е последица на сè поголемата загуба на природни живеалишта поради уништување на шумите, градежната експанзија и недостигот на храна.
„Ова не е напад, туку повик за разбирање. Лисиците, исто како и луѓето, се обидуваат да преживеат во менливиот амбиент. Нивното присуство не е причина за страв, туку можност да изградиме свесност и почит кон животот што нè опкружува“, велат од „Анима Мунди“, посочувајќи дека во многу европски градови – како Лондон, Берлин, Торонто и Љубљана – лисиците се веќе нормален дел од урбаната фауна и живеат паралелно со луѓето без проблеми.
Од здружението даваат и препораки како да постапиме при средба со лисица:
- Не се обидувајте да ја бркате, фаќате или храните.
- Не оставајте остатоци од храна или отворени канти – тоа ги привлекува.
- Држете ги домашните миленици на поводник и останете смирени – лисицата сама ќе се повлече.
- Пријавете ако забележите повредена или дезориентирана единка.
„Лисиците се дел од нашата природа. Непознавањето не треба да стане извор на страв, туку поттик за едукација и разбирање“, апелираат од здружението, нагласувајќи дека Скопје може и треба да биде град што живее во хармонија со природата.
Своето мислење за ситуацијата го изнесе и Македонското Еколошко Друштво (МЕД), од каде потврдуваат дека лисиците се редовни жители на Водно и често се појавуваат и во соседните населби како Жданец, Нерези и Козле.
„Присуството на мајка со младенчиња укажува на здрави и природни процеси. Како и другите животни кои се опортунисти во исхраната, и лисиците се привлечени од органски отпад кој често не се селектира и не се собира редовно“, појаснуваат од МЕД.
Скопје е дом и за луѓето и за многу диви животни. Односот кон нив треба да биде одраз на нашата свесност, а не на ирационален страв.
Последни вести
Физички напад во Скопје: Ќерка ја нападнала мајка си и ја оштетила покуќнината
Во Бугарија: Симитли ќе стане тест-полигон за оклопни возила од домашно производство
Г7 ја поддржа Израел и го прогласи Иран за дестабилизирачки фактор на Блискиот Исток
Румен Радев: Бугарија никогаш не ставила вето на патот на С. Македонија кон ЕУ
Лисици низ Скопје – апел од „Анима Мунди“: Не паничете, не хранете и не бркајте ги
17 јуни 2025
• од Станча Јаќимовски
Последниве денови низ Скопје, особено во подножјето на Водно и населбата Козле, се забележани повеќе случаи на појава на лисици – вклучително и мајка со младенчиња. Овие сцени, овековечени и преку видеа, предизвикаа реакции кај граѓаните, но од Здружението за заштита на животните „Анима Мунди“ апелираат: нема простор за паника.
Од здружението појаснуваат дека лисиците не претставуваат закана за луѓето. Тие се плашливи, интелигентни и претежно ноќни животни кои избегнуваат контакт со човекот. Нивната се поизразена појава во урбани средини, според „Анима Мунди“, е последица на сè поголемата загуба на природни живеалишта поради уништување на шумите, градежната експанзија и недостигот на храна.
„Ова не е напад, туку повик за разбирање. Лисиците, исто како и луѓето, се обидуваат да преживеат во менливиот амбиент. Нивното присуство не е причина за страв, туку можност да изградиме свесност и почит кон животот што нè опкружува“, велат од „Анима Мунди“, посочувајќи дека во многу европски градови – како Лондон, Берлин, Торонто и Љубљана – лисиците се веќе нормален дел од урбаната фауна и живеат паралелно со луѓето без проблеми.
Од здружението даваат и препораки како да постапиме при средба со лисица:
- Не се обидувајте да ја бркате, фаќате или храните.
- Не оставајте остатоци од храна или отворени канти – тоа ги привлекува.
- Држете ги домашните миленици на поводник и останете смирени – лисицата сама ќе се повлече.
- Пријавете ако забележите повредена или дезориентирана единка.
„Лисиците се дел од нашата природа. Непознавањето не треба да стане извор на страв, туку поттик за едукација и разбирање“, апелираат од здружението, нагласувајќи дека Скопје може и треба да биде град што живее во хармонија со природата.
Своето мислење за ситуацијата го изнесе и Македонското Еколошко Друштво (МЕД), од каде потврдуваат дека лисиците се редовни жители на Водно и често се појавуваат и во соседните населби како Жданец, Нерези и Козле.
„Присуството на мајка со младенчиња укажува на здрави и природни процеси. Како и другите животни кои се опортунисти во исхраната, и лисиците се привлечени од органски отпад кој често не се селектира и не се собира редовно“, појаснуваат од МЕД.
Скопје е дом и за луѓето и за многу диви животни. Односот кон нив треба да биде одраз на нашата свесност, а не на ирационален страв.
Последни вести
Физички напад во Скопје: Ќерка ја нападнала мајка си и ја оштетила покуќнината
Во Бугарија: Симитли ќе стане тест-полигон за оклопни возила од домашно производство
Г7 ја поддржа Израел и го прогласи Иран за дестабилизирачки фактор на Блискиот Исток
Румен Радев: Бугарија никогаш не ставила вето на патот на С. Македонија кон ЕУ