Левица: Во „населбата на УЧК“, ЕВН не може да исклучи корисници, а не пак Касами да им приклучи водомери

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Левица: Во „населбата на УЧК“, ЕВН не може да исклучи корисници, а не пак Касами да им приклучи водомери

24 март 2026

• од Станча Јаќимовски

На јавна дебата одржана оваа недела во општина Тетово, беше презентиран план за воведување дигитални водомери преку ангажирање на приватна фирма. Локалната власт го претстави проектот како чекор кон модернизација и подобрување на наплатата на потрошената вода, но ваквата иницијатива отвори серија прашања и сомнежи во јавноста.

Според реакцијата на политичката партија Левица, наместо да се решат постојните проблеми во водоснабдувањето и наплатата, општината повторно се впушта во нови тендери со нејасни детали и сомнителна транспарентност.

Од партијата посочуваат дека општината веќе располага со водомери, но значителен дел од нив исчезнале или биле намерно отстранети, без да се спроведе истрага за одговорноста.

„Зошто токму сега, во вториот мандат на Касами, се отвора ова прашање, а претходно не беше утврдено каде завршиле постојните водомери и кој е одговорен за нивното исчезнување? Наместо одговори, на граѓаните им се нуди нов проект со тендер преку приватна фирма, која останува мистерија и отвора сомнежи за поврзаност со владејачките структури“, реагираат од Левица.

Дополнително загрижува фактот што, како што било посочено на самата дебата, бројот на корисници на вода не е целосно евидентиран, а дел од нив воопшто не плаќаат. Ова, според партијата, создава нееднаквост меѓу граѓаните.

„Просто кажано – за некои мајка, за други маќеа. Дали ова важи и за населбата кај Блок 82, кај ресторанот Мема, каде со децении нема ниту наплата, ниту фактури?“, прашуваат од Левица.

Особено алармантна, според нив, е состојбата во новата населба над Теќе, позната како „населба на УЧК“, каде жителите, како што тврдат, се диво приклучени на мрежата.

„Во таа населба ЕВН не може да исклучи корисници, а камоли Касами да воведе ред со поставување водомери“, стои во соопштението.

Од Левица го поставуваат и клучното прашање – дали дигиталните водомери навистина ќе бидат поставени насекаде и дали процесот ќе биде транспарентен, или повторно ќе заврши како профитабилен тендер за однапред позната фирма.

„Останува внимателно да се следи која ќе биде фирмата што ќе го добие тендерот и дали ќе се реализира целосна дигитализација. Патот е долг, трнлив, а мисијата – засега изгледа невозможна“, порачуваат од партијата.

Состојбата со водоснабдувањето во Тетово, наместо да се стабилизира, повторно се наоѓа во центарот на политички и институционални контроверзии, додека граѓаните и понатаму остануваат без јасни одговори.