Левица поднесе интерпелација за државниот јавен обвинител Љупчо Коцевски

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Левица поднесе интерпелација за државниот јавен обвинител Љупчо Коцевски

26 јуни 2025

• од Станча Јаќимовски

Пратеничката група на Левица денеска официјално поднесе интерпелација за државниот јавен обвинител Љупчо Коцевски, обвинувајќи го за селективно постапување, политички влијанија и сериозни пропусти во функционирањето на Јавното обвинителство.

На прес-конференција, пратеникот Сашко Јанчев ги образложи причините за иницијативата, наведувајќи четири главни основи за интерпелацијата:

Селективна истрага за трагедијата во Кочани – Според Левица, истрагата е насочена исклучиво кон поранешни функционери, додека актуелни лица се изземени од одговорност.
Политички притисоци врз обвинителството – Јанчев посочи дека овие влијанија станале очигледни по јавниот судир меѓу обвинителството и Владата, особено по повлекувањето на иницијативата за смена откако се отвориле предмети против кадри на ВМРО-ДПМНЕ.
Хаос во Вишото јавно обвинителство во Скопје – Левица предупредува на случаи на компромитирани обвинители, што, според нив, е показател за институционално распаѓање.
Игнорирање на пријавите за дивоградби во Чаир – И покрај објавените докази од градоначалничката Данела Арсовска, обвинителството не постапило по пријавите.

„Коцевски е персонално одговорен за состојбите, согласно Законот за јавно обвинителство“, истакна Јанчев, додавајќи дека заклучокот од интерпелацијата, доколку биде изгласан, ќе биде доставен до Владата за понатамошно постапување во насока на негова смена.