КРАХ НА ТЕКСТИЛОТ: Работници со солзи пред фабрика, без плати и без иднина

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

КРАХ НА ТЕКСТИЛОТ: Работници со солзи пред фабрика, без плати и без иднина

04 април 2026

• од Станча Јаќимовски

Со солзи во очите, во паника и пред портите на фабриката каде поминале децении – вака изгледаше денешниот ден за над 100 вработени во конфекцијата „Артекс“ од Кочани. Фирмата се затвора ненадејно, оставајќи ги работниците на улица, без исплатени плати и без јасна иднина.

„Каде да одам по 25 години работа?“ – прашуваат очајните работници, чии сведоштва ја отсликуваат целата тежина на ситуацијата. Многумина од нив имаат нарушено здравје по долгогодишна работа во погоните, а денес остануваат без основни средства за живот.

„25 години работам тука, со две операции сум. Сега сум на улица, немам ништо. Каде да одам? Ми должат две плати и К-15. Од денеска не ме следува ништо,“ вели една од револтираните работнички низ солзи.

Спорни решенија и притисоци врз работниците

Најголемиот револт кај вработените предизвикува начинот на кој им биле врачени решенијата за прекин на работниот однос. Според нив, биле изложени на притисоци да потпишат спогодбени откази, со што автоматски го губат правото на паричен надоместок од Агенцијата за вработување.

Ситуацијата дополнително ја влошуваат неколку сериозни наводи:

Директорот се појавил околу 14:30 часот и кусо соопштил дека фирмата се затвора.
Работниците биле известени без почитување на законските рокови.
Постојат сомнежи дека со години не биле редовно уплаќани придонесите за пензиско и здравствено осигурување.

Менаџментот молчи

Како што пренесуваат локалните медиуми, одговорните лица од „Артекс“ засега се недостапни за коментар. Обидите на новинарите да добијат одговори за причините за затворањето и за исплатата на заостанатите обврски кон работниците остануваат без успех.

Овој случај повторно ја отвора темата за состојбата во текстилниот сектор во земјата, каде многу работници се соочуваат со несигурни услови, ниски примања и неизвесна иднина.

Судбината на овие над 100 семејства денес е неизвесна – а прашањето што останува е: кој ќе сноси одговорност?