Ковачев: Мицкоски стави вето на европската интеграција на С. Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Ковачев: Мицкоски стави вето на европската интеграција на С. Македонија

14 јули 2025

• од Станча Јаќимовски

Бугарскиот европратеник Андреј Ковачев изутринава остро го критикуваше лидерот на ВМРО-ДПМНЕ, Христијан Мицкоски, обвинувајќи го дека со своите постапки директно ја попречува европската интеграција на Македонија. Во интервју за бугарски медиуми, Ковачев изјави дека бегството од темата за бугарското државјанство е главниот проблем во македонското општество.

„Бегајќи од темата за бугарското државјанство во Македонија, тоа е главниот проблем – нема проблем да се биде германски, чешки државјанин, но за бугарски државјанин, за над 200 илјади македонски граѓани кои добиле бугарско државјанство, тоа е проблем“, истакна Ковачев.

Тој додаде дека луѓето со бугарско потекло се соочуваат со дискриминација и притисоци: „Нивниот кариерен развој е запрен, нивниот бизнис е под притисок, нивните деца се навредуваат во училиште. И се кријат, како во случајот со градоначалничката на Град Скопје – таа вели дека има чешко државјанство, бидејќи никој не е заинтересиран за тоа. Единствениот проблем е што некој е од бугарско потекло и има бугарско државјанство. Ова мора да се промени ако оваа земја сака да има европско државјанство.“

Ковачев ги отфрли тврдењата дека има координација меѓу него и Мицкоски, нарекувајќи ги „смешни“, и го обвини опозицискиот лидер дека ја саботира евроинтеграцијата. „Тој стави вето на европската интеграција на Македонија. Наместо да ги вклучи Бугарите во Уставот и да започне преговори со ЕУ, тој одлучи повторно да ја отвори темата преку силно лобирање во Европскиот парламент за да ги вметне овие реченици за идентитетот и јазикот, кои немаат место во таков извештај за напредокот“, порача Ковачев.

Изјавите на Ковачев доаѓаат во чувствителен момент, кога Македонија се соочува со нови предизвици на патот кон Европската Унија, а прашањата поврзани со историјата и етничкиот идентитет повторно го втурнуваат процесот во ќор-сокак.