Казната стигна: УЕФА со суспензија од два меча за Албанецот Мирлинд Даку
Албанската фудбалска федерација официјално објави дека нивниот репрезентативец, Мирлинд Даку добива суспензија во траење од два натпревари поради навредливите скандирања кон Македонците и Србите по мечот со Хрватска на Европското првенство.
Иако се очекуваше казната да биде повисока, УЕФА реши да го суспендира Даку на само два меча, што автоматски значи дека тој нема да биде во составот за мечот со Шпанија и за него настапот во Германија е скоро сигурно завршен.
На навредливите скандирања веднаш реагираа српската и македонската фудбалска федерација, а УЕФА бргу покрена дисциплинска постапка против играчот и навремено ја изрече соодветната казна. Албанија во моментов има еден освоен бод во групата Б.